Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat vij. Capittel.

Is een ghesichte waerinne God Danieli te kennen gheeft, hoe dat na dat Babylonische Rijcke, dwelck hy by eenen leeuwe verghelijckt, sullen dry andere dierghelijcke machtighe Rijcken ofte Monarchien op komen, namelick, der Persen, Griecken, ende Romeynen.

Ende dat onder het laetste, dat is, onder het Roomsche Rijcke een grouwelicke veruolghinghe der Heylighen door Mahomet sal opstaen. Maer sulcke veruolghinghe sal haren sekeren tijt hebben, hoe langhe sy dueren moet. Daer na sal de werelt een eynde hebben, ende de gheloouige sullen met Christo dat Rijcke in eewicheyt besitten.