Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat v. Capittel.

Is een verschrickelick exempel, hoe God den veruloecten onboetueerdighen Tyran Belsazer, die in zijn boosheyt seker ende vrolick is, straft, dat hy lijf ende leuen, landt ende volck op eenen tijdt verliest.

Ende sonderlicken stelt de Propheet voor ooghen, dat onaerdich ende woeste leedt in ouerdaet, ende dronckenschap, waerwt lasteringhe Gods, ende allerley ander sonde koemt.

Op dat wy ons in sulcke exempelen spieghelen, ende leeren in de vreese Gods matichlick ende Godsalichlick wandelen.

19

Doe hief Daniel aen, ende sprack voor den Koninck, etc.

Hier vermaent Daniel den Koninck, ende stelt hem syne sonden voor ooghen, dat hy hem in zjins vaders exempel niet ghespiegelt, noch daerdoor ghebetert en heeft, maer moetwillich ende stout gheweest is, ende den rechten God ghelastert, ende de Afgoden gheeert heeft.

Waer sulcke sonden in het Hof zijn, daer en sal nemmermeer gheluck noch stantuastighe regeringe te hopen zijn, maer moet een eynde hebben, ghelijck Daniel hier schrijft, dat dese Tyran Belsazer haestelick ghedoodt is, ende de Babylonische gantschelick verdoruen zijn, ende dat Rijcke op de Meden ende Persen ghekomen is.