Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat iiij. Capittel.

1. Uanden verschrickelicken ende troostelicken daghe der toekoemst des Heeren, 5. dien Ioannes de Dooper inden gheest Elie voorkomen sal.

A.1

VVant ^a siet, daer koemt eenen dach, ^b die daer bernen sal, als eenen ouen: daer sullen alle verachters ende Godloosen ^c stroo zijn, ende den toekoemstigen dach salse aensteken, spreeckt de Heere Sebaoth, ende en sal hen noch wortel noch ^{d †} telghe laten.

a Psalm. 18.a.8.

b Iesaie. 66.b.15. 2.Thessal. 1.a.8. 2.Pet. 3.b.10.

c Iesaie. 47.b.14. Syrach. 16.a.7. ende 21.b.10.

d Of, tack.

† And. spruyte.

2

^e V daerenteghen, ^f die ghy mynen Name vreeset, ^g sal opgaen de Sonne der gherechticheyt, ende heyl onder desseluen vleugelen: ende ^h ghy sullet wt ende in gaen, ende toenemen, als de mestkalueren.

e Luce. 1.h.78.

f Mich. 6.a.9.

g Sapient. 5.a.6.

h Ioan. 10.a.9.

3

ⁱ Ghy sullet de Godloosen ^k† vertreden, ^l want sy sullen assche onder uwen voeten worden, dies daechs, dien ick maken wil, spreeckt de Heere Sebaoth.

i Psalm. 49.b.15.

k† An. te morsel treden.

l Psalm. 1.a.4.

4

^m Ghedenckt des Wets Mosi mijns knechtes, ⁿ die ick hem beuolen hebbe, op den berghe Horeb, aen het gantsche Israel, met tsamen den gheboden ende rechten.

m Exod. 20.a.2. 4.Esd. 14.a.5.

n Deut. 4. 5. 9.

5

^o Siet, ick wil v senden den Propheet Elia, ^p eer dan den grooten ende verschrickelicken dach des Heeren kome.

o Matth. 11.b.14. ende 17.b.10. Marc. 9.b.11. Luc. 1.b.16.17. Syra. 48.b.10.

p Ioel. 2.a.1.d.31. Sepha. 1.b.14.

6

^q Die sal het herte der vaderen bekeeren tot den kinderen, ende het herte der kinderen tot haren vaderen: dat ick niet en kome, ende het Aertrijcke met den Banne sla.

q Luce. 1.b.13.

Eynde des Propheten Maleachi.