Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat ij. Capittel.

1. Iona roept God aen, ende loeft hem, 11. de visch werpt hem weder op het landt.

A.2

ENde Iona badt tot den Heere synen God in den lijue des vischs,

3

Ende sprack: ^a Ick riep tot den Heere in mynen angste, ende hy antwoordde my: ick schreyede wt den buycke der Hellen, ende du verhoordest myne stemme.

a Psalm. 120.a.1.

4

Du wierpest my in de diepte midden in der Zee, dat my de vloeden ommeuinghen: ^b alle dyne ^{c †} waghen ende wallen ginghen ouer my henen.

b Psalm. 42.a.8.

c Of, baren ende goluen,

† An. waterbreucken

5

Dat ick dachte, ick ware van dynen ooghen verstooten: ^d† ick en soude dynen heyligen Tempel niet ^e meer sien.

d† And. Ia doch sal ick dynen etce. weder sien.

e Luth. Hebraice est quesitiuum, Num vel An videbo templum. Hoc debet verti negatiue: nec cures hic Hebraistas grammatistas, qui in sensu Scripture sunt Rabiniste, id est, animal sine intellectu. Ipsi in affectibus propheticis de rebus tam arduis, nihil experti sunt, ideo nec verba intelligere possunt.

6

^f Wateren ommeuinghen my tot aen mijn leuen, de diepte omringde my, ^g† biessen bedeckten mijn hooft.

f Psalm. 69.a.2. Iesai. 38.b.10.

g† An. riet, lesse

7

Ick sanck henen onder tot der berghen gronden, de Aerde hadde my met haren grendelen besloten eewichlick: doch du hebst mijn leuen wt den verderue gheuoert, Heere mijn God.

8

Doe myne ziele by my vertzaechde, dachte ick aen den Heere, ende mijn ghebedt quam tot dy in dynen heylighen Tempel.

9

Die daer houden ^h ouer den nietighen, verlaten hare ghenade.

h Op Duytsch spreecktmen also: De werckheylighen ende huychelaren, verlaten haren God ende Christum, om haers nietighen Godsdiensts wille.

B.10

Doch ick wil met dancke offeren, myne ghelofte wil ick den Heere betalen, dat hy my gheholpen heeft.

11

Ende de Heere sprack tot den vissche, ende deselue spouwede Iona weder wt, aen het landt.