Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat iiij. Capittel.

1. Het kleyn getal der mannen na het destrueren Ierusalems, 2. een toesegginghe der ghenaden, 5. ende troosts door Christum.

A.1

ALso dat seuen vrouwen, ⁺ sullen te dier tijt eenen man aengrijpen, ende spreken: Wy willen ons seluen geneeren ende kleeden, laet ons slechs na dynen name heeten, op dat onse smaetheyt van ons ghenomen worde.

+ Cap. iiij. by allen anderen.

2

^* In dier tijt, sal des Heeren ^a† Spruyte lief ende weert zijn, ende de Vrucht der Aerden, heerlick ende schoone, by den genen, die daer behouden worden in Israel.

* Cap. iiij. Lut.

a† an. der gewassen vruchte, Sachar. 5.a.9.

3

^b Ende wie daer sal ouerich zijn te Zion, ende ouerblijuen te Ierusalem, die sal heylich heeten, een yegehelijck die geschreuen is onder de leuendighen te Ierusalem.

b Iesai. 62.b.12.

4

Dan sal de Heere ^c† de vuylheit der dochter Zion wasschen, ende de bloetschuldt Ierusalems van haer drijuen, door den Gheest die richten, ende een vyer aensteken sal.

c† An. ondaet, dat is, drec, woest, gereck, vuylnisse.

5

^d Ende de Heere sal ^e† beschicken, ouer alle wooninghe des berchs Zion, ende waer sy versamelt is, wolcken ende roock des daechs, ende vyerglantz die daer brande des nachts: want daer sal een bescherminghe zijn, ouer alles wat ^f heerlick is,

d Exod. 13.c.20.

e† And. scheppen

f Dat is, dat voor God heerlick is, als de Gheloouighen.

6

Ende sal een hutte zijn ter schaduwe des daechs voor der hitte, ende een toeulucht ende verberginghe voor den onweder ende reghen.