Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

HET HOOGHE Liedt Salomo.

Dat Eerste Capittel.

A.1

Een ^a† hooghe Liedt Salomo.

a† An. ouerschot ende hübsch

2

HY kusse my met den kusse zijns mondts: want dyne borsten zijn lieffelicker dan wijn.

3

Datmen dyne goede salue riecke: ^b dynen Name is een wtgheschudde salue, daerom hebben dy de maechden lief.

b Ecclesias. 7.a.1. Prouer. 21.a.1. Syrach 48.a.1.

4

Treckt my dy na, so loopen wy: de Koninck voerde my in syne kamer: wy verheughen ons, ende zijn vrolick ouer dy: wy ghedencken aen dyne borsten, meer dan aen den wijn: de vromen hebben dy lief.

5

Ick ben swert, doch gheheel lieffelick, ghy dochteren Ierusalem, als de hutten ^c Kedar, als de ^d tapijte Salomo.

c Gene. 25.b.12.

d 2.Paral. 3.b.14.

6

Siet my niet aen, dat ick so swert ben: ^e want de Sonne heeft my so verbrant: myner moeder kinderen toornen met my: men heeft my tot eener hoederinne der wijnberghen ghesettet, doch mynen wijnberch dien ick hadde, hebbe ick niet behoedt.

e Apoca. 7.b.16. Psalm. 121.a.6.

7

Segget my aen du, dien mijn ziele lief heeft, waer du weydest, waer du rustest inden middaghe? dat ick niet ^f† henen ende herwaerts gaen moet by den kudden dyner ghesellen.

f† And. schijne henen ende her gaen, als een verhullede, by, etc.

8

Kenstu dy niet, du schoonste onder den wijuen: so gaet henen wt op de voetsporen der schapen, ende weydet dyne bocken, by de Herders huysen.

9

Ick ghelijcke dy myne vriendinne, mynen reysighen ghetuyghe aen de waghen Pharao.

B.10

Dyne wanghen staen lieffelick inden spanghen, ende dynen hals in de ketenen.

11

Wy willen dy guldenen spanghen maken, met silueren puckelen.

12

Doe de Koninck ^g† hem herwaerts wende, gaf mynen Nardus synen rueck.

g† And. in synen sitten was,

[fol. 214v]

13

Mijn vrient is my een bundelken myrrhen, dat tusschen mynen borsten hangt.

14

Mijn vrient is my een druyue ^h† Copher, in den wijngaerden tot Engeddi.

h† An. Campher, of van Cypro

15

ⁱ Siet, mijn vriendinne, du bist schoone, schoone bistu: ^k dyne ooghen zijn als duyuenoogen,

i Cant. 6.a.4.

k Cant. 5.b.12.

16

Siet, mijn vrient, du bist schoone ende lieffelick: onse bedden groenet.

17

Onser huysen balcken zijn Cederen, onse latten zijn ^l† Cypressen.

l† And. dennen