Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den CL. Psalm.

1. Een vermaninghe ter dancksegghinge, die hy niet op eenerley wijse bewesen hebben en wil, daerom dat der weldaden Gods, onder de Wet, aen den volcke Israels, ende nu int Nieuwe Testament aen der Kercken, so vele, ende deselue so groot ende voorbondich zijn. Dat heet dan het Euangelium prediken, God prediken, ende daerby onse danckbaerheyt sonder alle huychelie betuyghen.

A.1

Haleluya. LOeft den Heere in synen Heylichdom loeft hem inder ^† vasticheyt syner macht.

† And. Firmament

2

Loeft hem in synen daden, loeft hem in syner grooter heerlickheyt.

3

Loeft hem met basuynen, loeft hem met ^a† Psalter ende harpen.

a† And. luyten

4

Loeft hem met tamborijnen ende ^b reyen, loeft hem met snaren ende pijpen.

b 2.Sam. 1.b.14. Psalm. 149.a.3.

5

Loeft hem met hellen cymbalen, loeft hem met welklinckenden cymbalen.

6

Alles wat adem heeft, loue den Heere. Haleluya.