Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

[fol. 201v]

Den Cxxxviij. Psalm.

1. Een dancksegghinghe voor het Euangelium ende het Rijcke Christi, die zijn Kercke hier op Aerden in achtinghe heeft ende verlost.

A.1

Eenen Psalm Dauids. ICk ^a dancke dy van gantscher herten: voor den ^b Goden wil ick dy lof singhen.

a Psalm. 9.a.1. ende 111.a.1.

b Dat is, den Engelen ende Gods kinderen.

2

^c Ick wil aenbidden tot dynen heylighen Tempel, ende dynen Name dancken, voor dyne goedertierenheyt ende trouwe: want du hebst dynen Name, ^d† ouer alle dinck heerlick ghemaeckt, door dijn woort.

c Psalm. 5.a.8.

d† And. ende dijn woort ouer, etc. ghemaeckt.

3

Wanneer ick dy aenroepe, so verhoort my, ende gheeft myner zielen groote kracht.

4

Heere, alle Koninghen op Aerden dancken dy, dat sy hooren het woort dijns monts.

5

Ende singhen op den wech des Heeren, dat de eere des Heeren groot zy.

6

^e Want de Heere is hoogh, ende siet op het nederighe, ende kent den stouten van verre.

e Psalm. 113.a.5.

7

Wanneer ick midden inden angst wandele, so verquickstu my, ende streckest dyne hant ouer den toorne myner vyanden, ende helpest my met dyner rechterhant.

8

Ende de Heere sal ^f† des een eynde maken om mynent wille: Heere dyne goedertierenheyt is eewich, ^g het werck dyner handen, woudestu doch niet verlaten.

f† And. my allesins veerdich maken:

g Hiob. 14.b.16.