Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den Cxxviij. Psalm.

1. Inden voorgaenden Psalm leertmen, dat alle ghedijen onser handelinge, slecht van Godes segen koemt, niet door eenighe onsen arbeyt, vlijt oft sorge: also wort hier gheleert, waer denseluen seghen sy: namelicken by den gheloouighen, die den Heere vreesen.

A.1

Een liedt inden hooghen Choor. VEl dien, ^a die den Heere vreest, ende op syne weghen gaet.

a Psalm. 34.b.10. ende. 112.a.1. Syrach. 1.b.19. ende. 34.b.17.

2

Du salt dy gheneeren dyner handen arbeydt: wel dy: du hebst het goet.

[fol. 200v]

3

Dijn wijf sal zijn als een vruchtbaer wijnstock, rondtom in dynen huyse: dyne kinderen als de ^b† olyspruyten, rondtom dyner tafelen henen.

b† And. Olytacken of geplantede olyboomen.

4

Siet, also wort gheseghent de man, die den Heere vreest.

5

^c De Heere sal dy seghenen wt Zion, dat du siest het gheluck Ierusalems, dijn leefdaghe.

c Nume. 6.c.24.

6

^d Ende siest dyner kinder kinderen, vrede ouer Israel.

d Hiob. 42.b.16. Tob. 14.a.1. Gene. 50.c.22.