Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den Cxxv. Psalm.

1. Een toesegghinghe, dat de Heere syne gheloouighe verlossen ende verklaren wil, met eenen ghebede der Kercken, teghen hare vyanden.

A.1

Een liedt inden hooghen Choor. DIe ^a op den Heere hopen, die en sullen niet vallen, maer eewich blijuen, als den berch Zion.

a Proue. 10.d.30.

2

Rontom Ierusalem henen zijn berghen, ^b ende de Heere is rontom zijn volck, van nu aen tot in eewicheyt.

b Psalm. 34.a.8. ende. 121.a.4.

3

^c Want der Godloosen scepter en sal niet blijuen, ouer het ^d† hoopken der rechtueerdigen: op dat de rechtueerdige, hare hant niet wt en strecken ter ongherechticheyt.

c Iesa. 1.c.21.

d† And. lott. Psalm. 1.a.6. ende. 85.a.9.

4

Heere doet wel, den goeden ende vromen herten.

5

Die daerenteghen afwijcken op hare kromme weghen, sal de Heere wech drijuen met den quaetdoenders: ^e doch vrede zy ouer Israel.

e Galat. 6.b.16.