Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den Cxxiij. Psalm.

1. Een ghebet der Kercken in harer verachtinghe op der werelt, tegen de valsche broeders, ende vyanden des woorts.

A.1

Een liedt inden hooghen Choor. ICk heffe mijn ooghen op tot dy, ^a du die in Hemel sittest.

a 2.Paral. 6.b.18. Iesa. 66.a.1.

2

Siet, gelijck als de ooghen der knechten op de handen harer heeren sien: als de ooghen der maechden op de handen harer vrouwen: ^b also sien onse ooghen op den Heere onsen God, tot dat hy ons ghenadich worde.

b Psalm. 141.a.8.

3

^c Zijt ons ghenadich Heere, zijt ons ghenadich: want wy zijn seer vol verachtinghe.

c Psalm. 67.a.1.

4

Seer vol is onse ziele, der stouten spot, ende der hooueerdighen verachtinghe.