Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den Cxij. Psalm.

1. Vermaent tot vreese Gods ende weldadicheyt ofte wercken der liefde, ende doet daer heerlicke beloften toe.

A.1

Haleluia. VVel ^a dien, die den Heere vreest: die grooten lust heeft tot synen gheboden.

a Psalm. 128.c.29. Prouer. 1.a.7. ende. 9.b.10. Syrach. 1.b.19. ende. 34.b.14.

2

^b Diens zaet sal gheweldigh zijn op Aerden: het gheslachte der vromen sal gheseghent zijn.

b Psal. 37 c.22.26.

3

Rijckdom ende de volheyt, sal in haren huyse zijn: ende hare gherechticheyt blijft eewichlick.

4

^c Den vromen gaet ^d het ^e licht op inder duysternisse, van den Genadigen, Barmhertigen, ende Rechtueerdighen.

c Psalm. 97.b.11.

d Ioan. 1.a.4.

e Dat is, gheluck ende heyl midden in der noot.

5

^f† Wel dien, die barmhertich is, ende gheerne leent, ende rechtet syne saken wt, dat hy niemanden onrecht en doet.

f† And. Een vroom man, die heeft medelijden, ende leent, etc. Psalm. 37.c.21.26. Prouerb. 19.b.17.

6

Want hy sal eewichlick blijuen: ^g des rechtueerdighen en wort nemmermeer vergheten.

g Iesa. 49.b.14. Prouerb. 10.a.7.

7

^h† Wanneer een plage komen wil, so en vreest hy hem niet: zijn herte hoept onuertzaecht op den Heere.

h† An. Uan eenen boosen gheschrey, so etc. Psal. 27 a.1. Prouer. 3.c.24. Syrach. 34.b.16.

8

Sijn herte is getroost, ende en vreest hem niet, tot dat hy synen lust aen syne vyanden siet.

9

ⁱ Hy stroyt wt, ende gheeft den armen: syne gherechticheyt blijft eewichlick, synen hoorne wort verhoocht met eeren.

i Prouer. 11.c.25. 2.Corin. 9.a.9. Tob. 1.b.17. ende 4.a.5.b.13. Syrach. 7.d.35.

10

De Godloose sal het sien, ende het sal hem verdrieten: ^k syne tanden sal hy te samen bijten, ende vergaen: want wat de Goddeloose gheerne wouden, dat is verloren.

k Psalm. 37.b.12.