Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den lxvij. Psalm.

1. Een ghebet, dat het Euangelium gepredickt werden mach: want daer wert rechtschapen Gods anghesicht, dat is Christus ende de barmherticheyt Gods, inne vertoont: Ende is hier een klare Prophecie van den Heydenen, dat die Gods volck, ende een deel des Rijcks Christi worden souden: want hy roeptse niet tot der Besnijdinghe, noch tot de Wet, maer slechs tot ghelooue ende dancksegghinghe.

A.1

Een Psalmliedt, voor te singen op snarenspel.

2

GOd sy ons genadich, ^a ende segene ons: ^b hy laet ons zijn ^c aensicht lichten: Sela.

a Psalm. 115.b.12.

b Num. 6.c.25.

c Dat is, Urolick ende ghenadich aensien, hem vriendelick vertoonen.

3

Dat wy op Aerden bekennen synen wech, onder allen Heydenen zijn Heyl.

4

God dy dancken de volcken, dy dancken alle volcken.

5

De volcken verheughen hen ende iuychen, dat du de ^d lieden recht richtest, ende regerest de lieden op Aerden. Sela.

d Dat is, verdedigest ende regerest

6

God dy dancken de volcken, dy dancken alle volcken.

7

Het landt gheeft syne vrucht, het seghene ons God, onse God.

8

Het seghene ons God, ende alle wereldt vreese hem.