Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den xxiiij. Psalm.

1. Een Prophecie vanden Rijcke Christi of der Kercken ouer de gantsche werelt verbreyt, die hy seker mercteeckenen gheeft, dat sy hebbe heylsame leere, een herte door den ghelooue ghereynicht, ende een onschuldich leuen, 7. aenden eynde, is een heftighe vermaninghe, als voor inden tweedden Psalm.

A.1

Eenen Psalm Dauids. DE ^a Aerde is des Heeren, ende wat daer in is: den Aerdtbodem, ende wat daer op woont.

a Exod. 14.a.3. Deute. 10.b.14. 1.Samu. 2.a.8. 1.Corint. 10.c.26. Psalm. 50.b.12. Ierem. 27.a.5.

2

^b Want hy heeft hem aen de Zee gefundeert, ende aen de wateren bereydet.

b Hiob. 38.a.6. Psalm. 136.a.6.

3

^c Wie sal op des Heeren berch gaen? ende wie sal staen aen syner heyligher stede?

c Psalm. 15.a.1.

4

Die ontschuldighe handen heeft, ^d ende reyn van herten is: die niet lust en heeft tot looser leere, ^e ende en sweert niet valschelick.

d Psalm. 73.a.1. Iesa. 33.b.14. Matth. 5.a.8.

e Exod. 20.a.7.

5

Die sal den seghen vanden Heere ontfangen, ende gherechticheyt, vanden God zijns heyls.

6

Dat is het gheslachte dat na hem vraecht, dat daer soeckt ^f dijn aenghesicht Iacob. Sela.

f Dat is, Gods aensicht ende teghenwoordicheyt, die int volc Israel was, ende anders nergens.

7

^g† Maeckt de poorten wijdt, ende de deuren inder werelt hooghe, dat de Koninck der eeren intrecke.

g† And. Verheft uwe hoofden O ghy poorten, ende wordet verheuen O ghy eewighe poorten, dat etc.

8

Wie is deselue Koninck der eeren? het is de Heere, sterck ende machtich: de Heere machtich inden strijdt.

9

Maeckt de deuren wijdt, ende de deuren in der werelt hooge, dat de Koninck der eeren in trecke.

10

Wie is de selue Koninck der eeren? het is de Heere ^h† Zebaoth: hy is de Koninc der eeren. Sela.

h† And. der heyrscharen.