Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den xxiij. Psalm.

1. Besinghet Gods wonderbare ghenadicheyt ende weldaden aen zijn Gemeynte, dat hyse als een Herder, met synen woorde weydt, troost, regeert, ende beschermt.

A.1

Eenen Psalm Dauids. DE Heere is mijn ^a Herder: my en sal niets ontbreken.

a Iesa. 40.b.11. Ierem. 23.a.5. Hesek. 34.c.23. Ioan. 10.b.11. Hebr. 13.c.20. 1.Petr. 2.c.25. ende. 5.a.4.

2

Hy weydet my op een groene landouwe, ende voert my ten verschen watere.

3

Hy verquickt mijn ziele, hy voert my op der rechter strate, om zijns Naems wille.

4

^b Ende wanneer ick alreede wandelde in duysteren dale, so en vreesde ick doch gheen ongheluck: want du bist by my: dynen stock ende staf troosten my.

b Prouer. 10.a.9.

5

Du bereydest voor my eenen disch teghen myne vyanden: du saluest mijn hooft met olye, ende schenckest my vol in.

6

Dat goede ende de bermherticheyt sullen my volghen mijn leefdage, ^c ende sal blijuen inden huyse des Heeren eewichlick.

c Psal. 27.a.4.