Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)
(2009)–Anoniem Deux-Aes bijbel–
Auteursrechtelijk beschermd1. Uerwondert hem Godlicker moghentheydt in der scheppinghe aller dinghen, 5. daertoe wonderbarer eere ende goedicheydt, so God aen den menschen bewesen heeft. Ende is hier een sonderlinghe prophecie van Christo ende synen Rijcke: dat hy door het cruyce vernedert, wederom door de opstandinghe hooch verheuen worden soude, een gheweldich Heere aller creaturen, oock na der menscheydt: ende dat de Kercke (op Aerden den tonghen kinderen ende sooghelinghen vergheleken,) haer Hooft ende Koninck Christum door predike des Euangelij soude verklaren, ende ouer de gantsche werelt voeren. | |
2HEere onse Heerscher, hoe heerlic is dynen Name in allen landen? daermen dy danckt in den Hemel. | |
3Ga naar margenootb Wt den monde der iongher kinderen ende suyghelinghen, hebstu een macht toegerichtet, om dyner vyanden wille: dat du Ga naar margenootc† verdelghest den vyandt ende den wraeckghierighen. | |
4Want ick sal sien de Hemelen dyner vingheren werck, de Mane ende de Sterren, die du Ga naar margenoot* bereydest. | |
5Ga naar margenootd Wat is de mensche, dat du syner ghedenckest, ende des menschen kint, dat du syner aenneemst? | |
6Du Ga naar margenoote† salt hem laten een kleyne tijt van God verlaten zijn: doch met eeren ende vercieringhe saltu hem kroonen. | |
7Du salt hem ten heere maken, ouer dyner handen werck: Ga naar margenootf Ga naar margenoot+ alle dinck hebstu onder syne voeten ghedaen. | |
8Schapen ende ossen al te mael: daertoe oock de wilde dieren. | |
[Folio 179v]
| |
9De voghelen onder den Hemel, ende de visschen in der Zee, ende wat in der Zee gaet. | |
10Heere onse Heerscher, hoe heerlick is dynen Name in allen landen? |
|