Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat xxv. Capittel.

1. Bildad beweeret, dat voor God niemant onschuldich ende reyn zijn konne.

A.1

DOe antwoordde Bildad van Suah, ⁺ ende sprack:

+ Bildad spreect.

2

Is de heerschappije ende vreese niet by hem, die den vrede maect onder synen Hoochsten?

3

^* Wie wil syne krijchslieden tellen? ende ouer wien en gaet zijn licht niet op?

* Wie soude dy wat doen? God is almachtich, ende kan wel stueren den Godloosen, wanneer du slechts vroom warest. Ende du meynst: Hy en wete het niet, gelijc als du nu nieulicken geseyt hebst.

4

^a Ende hoe kan een mensche rechtueerdich zijn voor God? ende hoe kan eener vrouwen kint reyn zijn?

a Hiob. 4.b.17. Ioannis 3.a.5. Psalm. 143.a.2.

5

Siet, de Mane en schijnt noch niet, ende de sterren en zijn noch niet reyne, voor synen ooghen.

6

Hoe ^b veel weynigher een mensche, de made, ende een menschen kint, den worme?

b Hiob 15.b.16.