Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

(2009)–Anoniem Deux-Aes bijbel– rechtenstatus



Dat xxix. Capittel.
1. Uan het Feest der seuender maent, vanden eersten, 7. tienden, 12. vijftienden met synen aenhanghe, 35. ende twee ende twintich daghen, ende haren offeren.
A.1 ENde den Ga naar margenoota eersten dach der seuender maent sal by v heylich zijn, Ga naar margenoot+ dat ghy te samen koemt, gheen dienstwerck en sult ghy daerin doen: het is uwer trompetten dach.
2 Ende sult brantoffer doen ten sueten reucke den Heere eenen iongen Ga naar margenootb† osse, eenen ram, seuen Iarighe lammeren sonder vlecke.
3 Daertoe hare spijsofferen, dry tienden semelmeels met olye ghemengt totten osse, twee tienden totten ramme.
4 Ende een tiende op een yeghelick der seuen lammeren.
5 Oock eenen gheytenbock ten sondoffer, v te versoenen:
6 Behaluen het brantoffer der maent ende zijn spijsoffer, ende behaluen het daghelicks brantoffer, ende met haren dranckoffer, na haren rechte, ten sueten reucke: dat is een offer den Heere.
7 Ga naar margenootc Den tienden dach deser seuender maent, sal by v ooc heylich heeten, dat ghy te samen koemt, ende sult uwe lijuen castijen, ende gheen werck daerin doen:
8 Maer brantoffer den Heere ten sueten reucke offeren: eenen ionghen osse, eenen ram, seuen Iarighe lammeren sonder vlecke.
9 Met haren spijsofferen, dry tienden semelmeels met olye gemengt, totten osse, twee tienden totten ramme,
B.10 Ende een tiende, telcken op een der seuen lammeren.
11 Daertoe eenen gheytenbock ten sondoffer, behaluen het sondoffer der versoeninghe, ende het daghelicksche brandtoffer met syne spijsoffer, ende met haren dranckoffer.
12 Ga naar margenootd Den vijftienden dach der seuender maent sal by v heylich heeten, dat ghy te samen koemt, gheen dienstwerck en sult ghy daerin doen, ende sult den Heere seuen daghen vieren.
13 Ende sult den Heere brantoffer doen, ten offer des sueten reucks den Heere: derthien ionge ossen, twee rammen, veerthien Iarige lammeren sonder vlecke.
14 Met haren spijsoffer, dry tienden semelmeels met olye ghemengt, telcken tot eenen der dertien ossen, twee tienden, telcken tot eenen der tweer rammen,
15 Ende een tiende, telcken tot eenen der veertien lammeren.
16 Daertoe eenen gheytenbock ten sondoffer, bouen het daghelick brantoffer met synen spijsoffer ende synen dranckoffer.
17 Aen den anderen daghe, twaelf ionge ossen, twee rammen, veertien Iarighe lammeren sonder vlecke,
18 Met haren spijsoffer ende dranckoffer, totten ossen, totten rammen, ende totten lammeren, in haren ghetale na den rechte.
19 Daertoe eenen gheytenbock ten sondoffer, bouen het daechlicsche brantoffer, met synen spijsoffer, ende met haren dranckoffer.
C.20 Aen den derden daghe, elf ossen, twee rammen, veertien Iarighe lammeren sonder vlecke,
21 Met haren spijsofferen ende dranckofferen totten ossen, totten rammen, ende totten lamme-
[Folio 56r]
ren, in haren ghetale na den rechte.
22 Daertoe eenen gheytenbock ten sondoffer, bouen het dagelicksche brantoffer met synen spijsoffer ende synen dranckoffer.
23 Aen den vierden dage, thien ossen, twee rammen, veertich Iarighe lammeren sonder vlecke,
24 Met haren spijsofferen ende dranckofferen, totten ossen, totten rammen, ende totten lammeren, in haren ghetale na den rechte.
25 Daertoe eenen gheytenbock ten sondoffer, bouen het dagelicksche brantoffer met synen spijsoffer ende synen dranckoffer.
26 Aen den vijfsten daghe, neghen ossen, twee rammen, veertien Iarige lammeren sonder vlecke.
27 Met tsamen haren spijsofferen ende haren drancofferen, totten ossen, totten rammen, ende totten lammeren, in haren ghetale na den rechte.
28 Daertoe eenen gheytenbock ten sondoffer, bouen het dagelicksche brantoffer, met synen spijsoffer ende synen dranckoffer.
29 Aen den scsten dage, acht ossen, twee rammen, veertien Iarighe lammeren sonder vlecke,
D.30 Met haren spijsofferen ende dranckofferen, totten ossen, totten rammen, ende totten lammeren, in haren ghetale na den rechte.
31 Daertoe eenen gheytenbock ten sondoffer, bouen het dagelicksche brantoffer, met synen spijsoffer ende synen dranckoffer.
32 Aenden seuenden dage, seuen ossen, twee rammen, veerthien Iarige lammeren sonder vlecke.
33 Met tsamen haren spijsofferen ende drancofren, totten ossen, totten rammen, ende totten lammeren, in haren ghetale na den rechte.
34 Daertoe eenen bock ten sondoffer, bouen het daghelicksche brantoffer met synen spijsoffer ende synen dranckoffer.
35 Aen den achsten dage, sal den dach der Ga naar margenootf Ga naar margenoot†Vergaderinghe zijn, gheen dinck en sult ghy daerin doen.
36 Ende sult brantoffer offeren ten offer des sueten reucks den Heere eenen osse, eenen ram, seuen Iarighe lammeren sonder vlecke,
27[37] Met haren spijsofferen ende dranckofferen totten ossen, totten rammen, ende totten lammeren, in haren ghetale na den rechte:
38 Daertoe eenen bock ten sondoffer, bouen het daghelicksche brantoffer met synen spijsoffer ende synen dranckoffer.
39 Sulcks sult ghy den Heere doen op uwe Feesten; wtghenomen wat ghy beloeft, ende vrijwillich gheeft tot brantofferen, spijsofferen, drancofferen ende danckofferen.
40 Ende Mose seyde den kinderen Israels, alles wat hem de Heere gheboden hadde.	margenoota Leuit. 23.c.24. 1.Esdr. 3.a.4. margenoot+ Feeste der seuender maent. margenootb† an. varre. margenootc Leuit. 16.c.29. ende 23.c.27. margenootd Leuit. 23.c.24. 2.Mach. 1.a.9. 3.Esdr. 5.e.49. margenootf Ezereth, een vergaderinge als op eenen kerckhoue vergadert ende versloten, de vloecken, etc. te hooren. Deut. 28.a. margenoot† and. ophoudinghe.

Vorige Volgende

Dat xxix. Capittel.

A.1

2

3

4

5

6

7

8

9

B.10

11

12

13

14

15

16

17

18

19

C.20

21

22

23

24

25

26

27

28

29

D.30

31

32

33

34

35

36

27[37]

38

39

40

Over het gehele werk

auteurs