Declaratie van der triumphe bewezen den hooghe gheboren prince van Spaengien, Philips

(1851)–Anoniem Declaratie van der triumphe bewezen den hooghe gheboren prince van Spaengien, Philips– rechtenstatus


Iustitia spreect. Twelc van natuere ghemeene verleent was Zoot wel ghemeend was, es bij mij Iustitie Bedeelt, waerduere de zulcke vercleent was En zulc vermeerd, mits diueersche conditie Want ic wel merckene swaerelts malitie Make d'eene Prince en d'ander sclaue Ooc gheuic elc t'zijne, loon om punitie Den Prince, den volcke, en t'land elc zijn haue Hier mach men verstaen of ict wel beslaue. Noch stondender twee beilden zeer hooghe verheuen, Ghemaect naer t'leuen, Balduwijn Apkin was d'een Graue Karel de goede was d'ander beseuen Rechtuaerdich in iustitie was elc van hem tween Karels ledekins te Brugghe noch onuerscheen Sent Donaes in ruste ghetughen bloot Dat hij lanc was acht voeten alf, maer dit acht ic cleen Die croone van Hierusalem, en Almaenge groot Weigherdhij, duer liefden van Vlaender totter dood.
[pagina 22]
Noch ghedijnct mij wel dat ic d'inscriptie las Op t'zelue pas van Graue Apkin ghemaelt. Hoe dat hij tot uprechte iustitie was Gheneghen: ten strijde ooc niet en heift ghefaelt. Maer Karolus wiens herte was duerstraelt Van liefden tot iustitie, werd deerlic vermoord V[a]ndie booze dies werden zij zaen betaelt Maer van hem werd t'eeuwighen daghe ghehoort Adieu goede aerme Karel der aerme confoort. Van daer ghijnc Rethorica solliciteren Int ordineren, met subtilen vonde Een schoon spectakel, daer moest passeren Die Prince, t'waer sticht dat icx niet ontbonde. Een vrauwe ghenaemt Stercheijt die zulc oorconde Van haer zeluen heift te vertooghene beghaerd. Vromicheit metten wercken niet metten monde. Blijct int perikel, alsmen eerlic verweert D'iniurie, elc goed Prince dit last aenueert. Dees vrauwe Stercheyt had altijds bij haer Die Nymphen claer als ad'herenten. Cloucmoedicheyt vulbracht vroom faiten zwaer. Liidsaemheyt verdrouch doleur en tormenten Gheduericheyt een Nijmphe niet om vergenten. Sprac, Ic bliue vast in een goed propoost. Elc edel Prince mach dit wel prenten Int herte, ten dient ooc niet begloost Die goed van smake es, die prouue het roost.
[pagina 23]
Noch had hier Rethorica twee beilden ghestelt. Balduwijn eerst ghetelt inder Grauen reken. En Robrecht van Hierusalem, zoo stont ghespelt Die int veld haer ruters noijt en bezweken. Balduinus vromicheit was niet om breken. Zijnen aerm scheen ijseren, zoo creech hij in strijden spoed. Bithinia en Siria vloijden bloedich als beken Duer Robrechts cloucheit, daer de ruters met blijden moed. Hem boden als Sent Ioris zoon ten zeluen tijden groet. Alst up den zandberch aldus vertoogt was Eert in ghedroogt was, achteruolghende t'werc Zo zaen als van verre den Prince ghehoogt was Stond elc personage rein in zijn perc In t'weetste arc triumphael, zeer constich en sterc Ghemaect naer t'edel dorike fautsoen Naer een griecx exempel nam elc zijn bemerc Dit zachmen bij t'Schepenhuus op D'hoogpoort doen Hier spraken die maegdekins al griecx sermoen. Philips van Macedonien die Conijnc wijs Van oude grijs, op dit aerdich tonneel Ghaf ter duegt en doctrine, bij goed aduijs Alexandrum zijn zone, zijnder herten iuweel Daer waren sententien ghescreuen een deel Gheregistreert inder griecxscher cronijke Hoe dat der Princen officie gheheel Es, haer onderzaten bij goeder practijke Met Gode en met eeren te makene rijcke.
[pagina 24]
Noch een sententie van grooter weerde Te lezene beghaerde menich man gheleerd Hoe dat een conijncrijc verheuen op aerde s'conijncs glorie niet zo zeer en vermeerd Als die croone van duegden met Gods dienst vereert Hier af maect Agapitus griecx leeraer ghewach Hij segt ooc dan een Prince die ter waerelt verkeert Zijn macht zo ghebruken moet zonder gheclach Dat hij daer bij ten hemel toeganc hebben mach. Up sgraven brugghe an sente Vaerlen tempel Zonder eenich wempel, stond een throon, van gaude En mogtmen niet smeden een fraeyer exempel Noijt mensche veel genter spectakel anschaude Vespasiaen Titum zijnen zoon betraude Met hem te berechtene die roomsche subditen Fortune dees twee met ionste bedaude Met rechten triumpheerden zy zonder verwijten Ghelijcken aerbeyt ghelijcke proffijten. Dees Titus was tvolc zo aggreabel Ten es gheen fabel dat ic hier scriue Zijn vader duer Blijnckende dueght notabel Was hier af cause die met zijnen liue Dit kind ghewan van edelen bedriue Goed bewijs hem gheuende in elc termijn Zij waren t'ghemeente zoet als een oliue Goed boom goed vrucht, goede rancke goed wijn Hier spraken die Maegdekins al latijn.
[pagina 25]
De vierde specie ghezeit Corintike Verciert zeer rijcke metter consten glorie Stond bijder munte, mids vanden wijcke Veel genter dan een vergulden ciborie Karolus magnus ter zaligher memorie Om Lodewijc zijn zone in rijcke t'eruene Was hier ghezeten in zijn consistorie En om ruste naer moyte te verweruene Want varijnc zijn ghebuerte was te steruene. Dus gaf hij hem hier een discipline Vul van doctrine, bij gheen schat te ghelijckene Veel presieuser dan een gulden mine Daer een ghierich mensche bij zouct te rijckene Ic beueel hu zeit hij niet te bezwijckene Gods zuuer dienst en zijn scaepkins vercoren Pijnt der Christenen palen zo wel te bedijckene Dat d'heidensche mach niet en comene verstoren De kerstenen die ghaerne d'woord Gods anhooren. Dijn naeste, dijn vrienden toogt ionste oueruloedich Der priesters oedmoedich eert als dijn vader Tot liefde dijns volcx, zijt ooc ghespoedich Als tot hu eijghen kinderen allegader Straft die houaerdich zijn rebel of quader Zijt der Cenohiten en der aermen patroon Stelt gheestelic en waerlic als goed beraden Ministers die niet en achten swaerelts loon Zijt voor God ende waerelt van herten schoon.

Vorige Volgende

Iustitia spreect.