Declaratie van der triumphe bewezen den hooghe gheboren prince van Spaengien, Philips

Pallas tot den Autheur.

Hier ben ic alderhoogst in wijsheit ghesaemt.
Tritonia ghenaemt, Pallas of Minerve,
Mijn dienaers, in scientie rein ongheblaemt
Verleende ic smake zoeter dan conserue
Dijn poetsche dicht ic niet langher en derue
Scrijft, tot een Prince mijnder herten grond.
Die nu in vlaender comt scauwen zijn erue.
Gaet maect hem duer d'edel Rethorijcke cond
Dat noyt Prijnce metten Goden bet en stont.

Zijnen throon zal ic doen staen plaisantelic.
Zeer triumphantelic, daer hij regneren zal.
Als int goud claer blijnkende diamantelic
Hem onder allen Princen ic promoueren zal.

[p. 14]

 

Tot wijsheit: ooc zullen zij triumpheren al

 

Die hem tot t'zelfve noch zullen beradich zijn.

 

Maer die in haer eighen bate studeren al.

 

Dat hy die verbijte duer een versmadich schijn.

 

Met rechte machmen de zulcke onghenadich zijn.