Declaratie van der triumphe bewezen den hooghe gheboren prince van Spaengien, Philips

[p. 9]

Author.

Aurora diligent, wiens werc elc prijsen moet
Die tclaer schijn rijsen doet, van Phebus mijngioot
Was noch in ruste, des hemels vijsen zoet
Waren noch ghesloten: doen ic ter dood
Verscheyen, te bedde lach, duer ziecten groot.
Daer my een visioen werd gheopenbaert,
Drie hemelsche Nymphen met haer borstkins bloot.
Mijn herte verscricte: den gheest werd bezwaert.
Die heet van bloede es, werd lichte veruaert.

Als ic dees drie Goddinnen aenschaude.
Mijn ghezichte verflaude: mijn cracht bezweec my.
Ic vraegde, zo my dochte, maer als de benaude.
Bryngdy (Helaes) tijdinghe daer ic dus weec zy
Des doods? maer neen, elc minlic bekeec my
Met vriendelicken ooghen, als was icx min vroed.
Ic rees ouer hende: ic vaegde en ic streec my.
Tdocht my tot ghezontheit wezen een beghin goed.
Zulc waende verliezen daer hy ghewin doet.

[p. 10]

 

Ik zeide, wat staedy hier dus al pronkende

 

Met oogskins lonkende? ghy verliest hu pijne.

 

Meend ghijlien in liefden my maken vonkende

 

Veruremd van Ceres en van Bacchus wijne.

 

Of zijdy de zelue drie Nympheu diuine.

 

Die voor Paris om vonnesse quaemt ghestreken.

 

Daer hy Venus schoonst prees met ionstighen schyne.

 

Dies Iuno zwoer, zy zoud op hem wreken.

 

Qualic can men drie vrauwen te passe spreken.

 

 

 

Als ic alleene dus zat en relde

 

Elc van drien stelde den voet betnaer.

 

Elc euen naerstich haer ledekins helde.

 

Om my te verzoetene die pyne zwaer.

 

My docht, ic begoust te verlichtene, maer

 

Tverstant vanden drome was my behouuelic.

 

Bediet my dit seidic O Goddinnen claer.

 

En gheift secours, my in allenden drouuelic.

 

Ghoe vraukins zijn gherne den mans zeer toeuelic.

 

 

 

Dees drie zeer minlic op my loughen

 

Naer mijn ghenoughen haer zeluen reende.

 

Elc ghync van selfs daer zyn name wroughen.

 

Iuno, Venus, en Pallas, wel onderscheende.

 

Elc zeide haer motijf zulc als zou meende.

 

D'een naer d'ander tot courtoisije gheneghen.

 

Die weerdste men eerst audientie verleende.

 

Iuno sprac vooren, die twee ander zweghen

 

Twelck vraukins niet vele te doene en pleghen.