Dagboek van Gent van 1447 tot 1470. Deel 2

[1482]

⁺ Den XII^en van maerte anno LXXXI (1482, n. st.), waeren⁺ Jacop Van Wymersch ende Zegher De Mey ghecondempneert van dan voort nemmermeer binnen Ghendt officie t'hebbene, noch hemlieden metten officien te moeyenne, up de verbuerte

+ 1482.

+ f^o 220 r^o

[p. 257]

van huerlieder lyve ende in meer ander verbanden up de zelve peyne, omme dat zy ende Jan De Vechtere, cnape van der neerynghe, met hemlieden, Janne Van den Bundere, hueverdeken, in beloften brynghen wilden te maekene een verbant met hemlieden, dat alle de officien van den lede van neerynghen t'haerlieder distribucie ghestaen zouden hebben ende te niemans andere, ende Jan De Vechtere was verlaten van zynen dienste ende een andere in zyne stede ghestelt; hemlieden was oock verboden conversacie met elc anderen t'hebbene, up haerlieder lyf⁽¹⁾.

Den XXVIII^en van maerte anno LXXXI, voor Paesschen, overleedt der weerelt vrau Marie, graefnede van Vlaenderen, binnen der stede van Brugghen, tusschen den III ende IIII hueren naer noene⁽²⁾.

Den VI^en van hoeymaent anno LXXXII, was Jan De Conynck ghesluetelt ende ghebannen L jaer uut Vlaenderen, omme dat hy upzettere⁽³⁾ gheweest hadde dat de pencionarissen, clercken, serganten ende boden van den lede van der weverye ghelt gheven moesten van haerlieder dienst ende dat hy zelve upzettere, scepenen zynde ende oock clerck, te wercke gheleit hadde ende de pennynghen ontfanghen. Ende ten zelven daeghe was oock ghesluetelt ende ghebannen Joos Van Wyckhuus, omme dat hy, deken van der weverye zynde, 't zelve onderhauden hadde⁽⁴⁾.

Den XVII^en van hoeymaent anno LXXXII, was by consente van den drye leden deser stede van Ghendt, die daer up verghaedert ghezyn hadden, ende elc in 't zyne ghezeghelt metten zeghele van verbande, een accort ende eendrachtichede ghemaect tusschen Ghendt, Brugghe ende Ypre, presenterende de drye Leden 's lands van Vlaenderen, ende elc van der steden

(1) Zie Memorieboek, D. I, blz. 328.

(2) Excellente Cronike, f^o ccxxiv, v^o; 't Boeck, blz. 37; N. Despars, Cronycke, D. IV, blz. 213-214.

(3) Upsettere, opstoker.

(4) 't Zelve onderhauden hadde, ditzelfde feit ondersteund had.

[p. 258]

heeft eenen brief ghezeghelt met den drye zeghelen van der zelven steden.

Den VII^en van oughste anno LXXXII, was onthooft ende daer naer ghevierendeelt Roegier De Caerdemaekere, cluseneere up sent Amants Beerch, omme dat hy hem zelven ghepresenteert hadde, omme ghelts wille, eeneghe persoonen, officiers wesende, doot te slaene ende de stede van Ghendt in diversche plaetsen in viere te stellene⁽¹⁾.

Up den XXIII^en dach van decembre anno LXXXII, was den paix ghesloten tusschen den conynck van Vranckerycke ende den lande van haerwaerts overe, binnen der stede van Atrecht, ende up den Kerssavont, tusschen den Vl ende de VII hueren in den havont, hadden scepenen de tydynghe, ende de publicacie wasser afghedaen 's nachts daer naer, in de sermoenen t'allen kercken, ende up Alder Kinderen dach, voor den noenen, was den voornoemden paix in 't langhe uutghelesen ende ghepublieert up 't Scepenhuus, daer men de wet uute pleecht te roupene⁽²⁾.

(1) Memorieboek, D. I, blz. 329.

(2) 't Boeck, blz. 47-51; het verdrag bij Dom Plancher, Histoire de Bourgogne, D. IV, preuves, blz. 406.