Dagboek van Gent van 1447 tot 1470. Deel 2

[1479]

Up den XXVI^en van sporckele anno LXXVIII, beghonnen⁺ de tycwevers, mueleneers ende meer andere eene wapenynghe, ende liepen met hueren bannieren uut haren huusen tot aen de Veebrugghe, daer heere ende wet, metghaeders die hemlieden te hulpe vielen, jeghen hemlieden waeren, ende daer was Pieter Goethals, mueleneere, dootghesleghen ende veel andere ghequets, ende doe liepen zy wech ende schieden eeneghe⁽⁴⁾

+ 1479.

(4) Over dien oploop, zie Memorieboek, D. I, blz. 308 en 310; vgl. V. Fris, Het Oproer te Gent in 1479, in Tijdschrift van het Willemsfonds (Gent, 1903).

[p. 254]

uuter stede, andere in secrete, ende andere maecten van nieus eene vergaderynghe in den Smeden huus; ende dit gheschiet naer 't overbrynghen van der andwoorde van eender collacie, daer zy geene cause toe en hadden, omtrent den twee huere naer den noene. Item, dat geschiet zynde, trac heere ende wet ter maert metter banniere van den heere ende der stede, daer zy alle verghaderden die heere ende wet bystaen wilden, ende omtrent den drye hueren ofte viere, dede heere ende wet de schoemaekers ende tycwevers uut haeren huusen scheeden by fortsen. Item, omtrent den twee hueren naer der middernacht, was by heere ende wet beleit, met engienen ende volcke, der Smeden huus, daer smeden, tycwevers, mueleneers ende oude schoemaekers inne waren, ende bedwonghen uut te commene of men zoude 't huus afgheschoten hebben; insghelycx waeren uutghehaelt ter zelver hueren de olislaghers ende meneghe van der weverye, ende de bannieren van den heere ende der stede gheplant up sente Veerlen plaetse.

Item, den XXVII^en van sporckele, waren om der voorscrevene wapenynghe wille ende ghenouch als upzetters onthooft, Lievin Van Loene, tapytwevere, Jan Van Nieuweghe, smet, ende Cornelis Van Belle, de deken van den smeden.

Item, den derden dach van maerte anno LXXVIII, was onthooft Lievin Van den Watere, tyckwevere, omme dat hy met meer andere hadde helpen concluderen up dats zy vulcommen hadden, heere ende wet ende alle goede mannen doot te slaene, zoo hy kende onder 't sweert staende.

Den V^en van maert, waeren onthooft ter zelver causen, Lodewyc Dooghe ende Jacob De Clutere, ende justicie ghedaen zynde, waeren bannieren ghelicht ende elck ghync t'huuswaert.

⁺ Up den VII^en dach van oughste anno LXXIX, verghaderde de hertoghe Maximiliaen, met al zienre aermee die hy ghelicht hadde van voor Terrenborch⁽¹⁾, daer hy siege⁽²⁾ ghesleghen

+ f^o 219 v^o

(1) Terrenborch, Terwaan.

(2) Siege, belegering.

[p. 255]

hadde, over een syde, ende omtrent XVIII^c ghelavien Fransoeysen ende XII^m Franckaertchiers⁽¹⁾ over d'andere, up een velt te Kersciques, by Blangy⁽²⁾, ende begonsten te vechtene omtrent den vier hueren naer noene, ende duerde tot snavens omtrent den IX^en hueren, ende de hertoghe Maximiliaen, mids de hulpe van den voetghangers van Vlaenderen, wan den stryt ende behilt velt. Willem Uuten Hove was standaert draghere; ende daer bleven, zoe men seide, omtrent XIII^m Fransoeysen ende Franckaertchiers ende mannen van wapenen, eer meer dan min, ende omtrent III^m van onsen volcke.

(1) Franckaertchiers, vrijschutters.

(2) Over den slag van Blangy bij Terwaan, zie Dr. Hermann Klaje, Die Slacht bei Guinegate (Greifswald, 1890).