Dagboek van Gent van 1447 tot 1470. Deel 2

Van den scependomme begonst t'alf ougste anno XIIII^c LXVI.

In dit scependom, ontrent alf ougste, trac myn gheduchte heere ende mynheere van Charloys, zyn zone, belegghen de stede van Dinant, in 't lant van Ludicke, te wetene: myn gheduchte heere lach in Bouvines, jeghen over Dinant, en mynheere van Charloys an d'andre zyde van Dinant te velde, zo dat Dinant was tusschen beede de heeren; welcke stede zy wonnen, tsmaendaeghs den XXV^en dach van ougste anno LXVI, ende ghewonnen zynde, wart ghepilgiert, verbrant ende met allen ghedestrueert ende gheslicht⁽⁴⁾.

(4) Over de verdelging van Dinant, zie Cartulaire de Dinant (uitg. door Stanislas Bormans), D. II, blz. 96 vlgde; John F. Kirk, Hist. de Charles le Téméraire, D. II, blz. 71 vlgde; Ad. Borgnet, Le sac de Dinant par Ch. le Téméraire, Annales de la Société d'Archéologie de Namur, 1853.

[p. 204]

Item, de zelve myn gheduchte heere keerde te Brucele, ende mynheere van Chaerloys quam te Ghendt, ende men hielt daer, up de Vrindachmaerct 't sondaechs den IX^en dach van novembre anno LXVI, een harde schoon steecspel, daer beroupers af waren de zelve mynheere van Charloys, mynheere de bastaert van Bourgoingnen, Mer Jan van Luccemburg ende Mer Jan de Cacha⁽¹⁾.

(1) Jean de Chassa; zie Stadsrekeningen over 1466-1467, f^o 147 v^o.