Dagboek van Gent van 1447 tot 1470. Deel 2

[1463]

Van den scependomme begonste t'alf ougste anno XIIII^c LXIII.

In dit scependom, de conynghinne van Ynghelant, 's conyncx⁺ Heyndericx van Ynghelant wettelicke ghezelnede, dochtere des conyncx Reyniers van Cecillien⁽²⁾, verjaecht uut Ynghelant by den coninc Eduwaert van Ynghelant, die hertoghe was van Yorck, quam te Ghendt, 's woondaeghs, up des Helichs-Crucen dach, den XIIII^en dach van septembre anno LXIII, tsavonts, ontrent den VI hueren, met haren jonghen zone, laghen t'huus in 't Gulden Hooft in de herberghe, in de Burchstrate, verghezelscipt met grooten heeren ende vele archiers tsgraven van Vlaenderen, ende track wech van Ghendt te haers vaders lande waert, tsanderdaechs nuchtens ten VIII hueren.

+ 1463.

(2) Margareta van Anjou, dochter van René, hertog van Lorreinen, vrouw van Hendrik VI van Engeland; Du Clercq, D. IV, blz. 1 vlgde; Stadsrekeningen van Gent 1463-64, passim; Chastellain, D. IV, blz. 279 vlgde; Dom Plancher, Histoire de Bourgogne, D. IV, preuves. blz. 241.