Dagboek van Gent van 1447 tot 1470. Deel 2

[1456]

Item, in dit scependom, quam vrauwen Ysabeele van Por-⁺ tingale, ons ts'princen ghezelnede, ende vrauwe Ysabeele van Bourbon, ghezelnede van Chaerle Grave van Chaerloys, onsen jonghen prince, te Ghendt, in Laumaent anno LV (LVI n. st.), in 't Gulden Hooft, in de Burchstraete, daer zy heerlic ontfaen ende verghast waren, ende vertrocken corts daer naer.

Item, in dit scependom, wart Mer Gillis Haghelync, ruddere, die voorscepene was van der kuere, ghebannen, by zynen medeghezellen, vyftich jaer uuten lande van Vlaendren, om dat hy hadde ghereveleert 't secreet van der camere, contrarie zynen eede⁽³⁾.

+ 1456.

(3) Zie Memorieboek, D. I, blz. 215; de lijst der schepenen van 1456-57, ibid.

[p. 182]

Item, t'alf ougste XIIII^c LVI worden de scepenen weder vernyeut naer 't prevylege, enz.

Item, in 't zelve scependom, was by den grave Philips van Vlaendren ghegeven den vier Leden van den lande van Vlaendren in prevylegien, dat men van alle sculden innynghe doen zoude ende betalen met pennyngen, zonder te ghevene prys van goede, ende dat men 't goet zoude stellen ter venten by verhoogynghen, den meest biedende de naeste zynde, enz.

Item, gaf de zelve grave Philips zynen lede van Ghendt een prevylege, inhoudende hoe vele scepenen van der Kuere ende van Ghedeele, de advocaten, de clercken en de tresoriers hebben zouden te wedde jaerlickx; hout ooc inne dat ter cameren van der Kuere maer dienen en zouden acht serganten ende XIIII boden, ende ter camere van Ghedeele ooc acht serganten ende XIIII boden zonder meer, ende dat die zouden dienen haer leven lanc, ende voort dat elcke camere de zyne vermaken zal als zy vasieren⁽¹⁾; 't zelve houdt ooc inne dat men de messusen die men termyneert ende taucxeert aen beede den cameren. toebehooren zullen voort an, d'een heelft den grave ende d'andre heelft de stede.

⁺ Item, gaf de zelve grave der stede van Ghendt een prevylege in 't zelve jaer, dat zonder prejuditie van den prevylege van den grave Guy, noch vier 's heeren cnapen, gheheeten Colfdraghers oft vanghers, te Ghendt zyn ende dienen zouden, boven vieren die van ouds ghecostumeert waeren, hoeveel elc vanghere hebben zal van zynen dienste ende executien oft exploite, enz.

Item, gaf ooc een prevylege of lettre dat alle de ghene die metter stede van Ghendt waeren ende alieerden of haerlieder zyde oft partie hilden in de voorscreven leste oorloghe, zouden ghelden met den lieden van der stede de somme van den voorscreven paeyse van Gavere, elc naer qualiteyt ende staet, enz.

Item, gaf lettren ende de stede gaf hem contrelettren, dat men voortan sluuten zoude elcx donderdaechs de Pedercellepoorte

(1) Vasieren, ontbreken; zie Memorieboek, D. I, blz. 246.

+ f^o 194 r^o

[p. 183]

ende opendoen de Hueverpoorte, die men gheploghen hadde te sluutene, voort dat men sluuten zoude alsghelycx Sente Lievinspoorte ende open laten de Keyserpoorte, naer 't inhauden van den voorscreven paeyse⁽¹⁾.

Item, hy gaf in prevylegien dat alle de ghene die poorters waren de voorscreve leste oorloghe ende hemlieden als poorters droughen ende diere hem oppe zullen mede behelpen hebben ende vertrocken zyn zonder veryssuwen, veryssuwen zullen ende dat de stede nu voortan yssuwe hebben zal van haerlieders poorters die vertrecken⁽²⁾.

Item, dat zy alle incommen oft remontreren moesten tusschen dat ende Sente Jansdach midsomers, die hen als poorters ghedreghen hebben, oft dat zy dan zullen verryssuwen, kiesen zy ghedyde te blyvene.

Item, in 't zelve jaer van LVI, waert een ontscaeck⁽³⁾ ghedaen in 't beghynhof ter Hoyen binnen Ghendt, by Jooris Sersanders bastaert, ende zynen complycen, die daer omme wierden wetteloos.

In dit scependom quam Lodewyck Daulphin van Vranckerycke, ghenaempt Lodewyck van Valoys, tsconyncx Karels zone van Vranckeryke, ghevlucht onder mynen gheduchten heere, te Brucele, ende daer naer te Brugghe, te Luevene ende t'Antwerpen⁽⁴⁾.

(1) Brieven uit 's Gravenhage, 24 Juli 1456, op het Stadsarchief te Gent, n^r 625 van het Inventaire van Van Duyse, blz. 220; de Keizerpoort en Overpoort moesten door het verdrag van Gaver elken donderdag gesloten worden omdat Lieven Boone langs daar naar Oudenaarde trok: de hertog verklaart in die akte van 1456 dat er vergissing is voor wat de Overpoort betreft en dat het de St-Lievenspoort is welke voortaan zal gesloten worden.

(2) Brieven van 24^en Juli 1456, in Register G, f^o 153 v^o, op het Stadsarchief te Gent.

(3) Ontschaeck, oplichting.

(4) Zie by J. Du Clercq, Mémoires, D. II, blz. 223 vlgde, 243 vlgde; Chastellain, D. III, blz. 191 vlgde; O. de La Marche, D. I, blz. 103, D. II, 409; Exceliente Cronycke van Vlaenderen, f^o cxxv; vgl. de Reiffenberg, Mémoire sur le séjour que Louis, dauphin de Viennois, fit aux Pays-Bas, de l'an 1456 a 1461 (Nouveaux Mémoires de l'Académie Royale des Sciences et Belles-lettres de Bruxelles, t. V, 1829).

[p. 184]

Item, in dit jaer ende scependom, wert heer Jacop Van⁺ Brucele, die muenck was t'Sente Pieters, te Ghendt, coadituer ghemaect ende daer naer abdt t'Sente Baefs, in de stede van heer Willem Bossuut, abt van Sente Baefs, die daer omme vertrack ligghen te Parys. daer hy overleedt ende starf⁽¹⁾.

+ f^o 194 v^o

(1) Vgl. A. van Lokeren, Histoire de l'abbaye de S^t Bavon, blz. 149.