Dagboek van Gent van 1447 tot 1470. Deel 2

[1455]

Item, t'alf ougste XIIII^c LV, waren nyeuwe scepenen⁺ ghemaect ende uutgheroupen tusschen VI ende VII ueren van den avonde, tsvrindaechs den XVI^en dach van ougste, achtervolghende 't previlegie 't conyncx's Philips⁽¹⁾.

Item, Claeys Van Munte, die t'anderen tyden was wetteloos ghewyst⁽²⁾ by zoendync brake, alzo vooren ghescreven es, ende inquam binnen der oorloghe ende naer de voorscreve oorloghe remis hadde van den grave, wart kieser van ts 'heeren weghen, ende kiezer zynde, wart scepene van der kuere uutgheroupen ende dede eed en diendet. Men mainteneerde dat⁺ de vyf kiesers mochte maken d'ander drie kiesers scepenen, ende om dat was hy daer toe ontfanghen.

+ 1455.

(1) De lijst in het Memorieboek, D. I, blz. 244.

(2) Wetteloos ghewyst, buiten de wet ghesteld; zie hooger, D. I, blz. 84; D. II, blz. 16, 22, 30; dit feit is gestaafd door het Memorieboek, D. I, blz. 244-45.

+ f^o 161 v^o