Dagboek van Gent van 1447 tot 1470. Deel 2

D'andwoorde van den Coninc up de lettre ghesonden naer de procuratie hier vooren verclaert.

‘Très chiers et bien amez, nous avons naguères receu vos lettres, faictes le XXVI^e jour de jullet derrain passé⁽²⁾, par lesquelles nous remerciez de ce que avant que nous eussiez escript et notiffié voz affaires, nous avons envoyé, tant par devers beau frère de Bourgongne que devers vous, aulcuns des gens de nostre conseil pour mettre peyne d'appaisier les diffèrens qui sont entre vous et luy, et ausy du debvoir que nos dits gens ont en ce fait par grant labuer et diligence, et comment, sur la confidence que avez en noz et en nos dits gens, pour honnuer de nous et nous obeir, comme raison est, vous estez sousmis à nos dits gens pour pacifier les dictes questions et différences, en manière que non obstant icelle soubzmission, vous devez estre oyz en vous excusations, diffences et justifications et en tout ce que vouldrez dire ou faire dire et proposer servans à vostre matière, en vous requérant que en suivant la grant confidence que avez eue et avez à nous et à nos dits gens,

(2) Zie blz. 80.

[p. 92]

leur escripvons qu'il veullent vous et vous droitz en nostre nom et nostre sonverayneté garder soingneusement, et se appaysier ne pueent vos dictes différences par voye amyable, que par la voye de justice vous veuillient pourveoir et préserver de toute voye de fait. Sur quoy vous signyfions que, comme aultrefois vous avons escript, il nous a despleu et desplaist des différences qui sont entre nostre dit frèrez et voz, et à ceste cause y avons envoyé nos dits gens et sommes bien joyeulx qu'il ont en ce fait et besongné chose qui est au bien et appaisement des matières, et mesmement de la voye de fait qui est cessée. Et⁺ quant à ce que escripvez que sous la confidence que avez de noz et de nos dits gens, vous vous estes subzmis à eulx, en nous requerrant que veuillions escripre qu'il vous veullient oyr en voz excusations, justifications et deffences et vous garder en vous droitz et préserver d'oppression, nous avons bien sceu, paravant la réception de vous lettres, lesdits soubmission et appointement par les lettres que nous avoient sur ce escriptes nos dits gens, et incontinent leurs dictes lettres venuez et par avant la réception des vostres, leur avons incontinent escript et mandé que à l'appaisement des dictes différences ilz s'employent à mieulx qu'il porront, en oyant les parties bien au long, tant d'une part que d'aultre, et tellement se gouvernent envers nostre dit frère et vous que l'ung ne l'aultre des parties n'ait cause de s'en douloir, en gardant nostre auctorité et souveraineté, et que tousjonrs mettent peyne d'appaisier la besogne par voye amyable, se faire se peuent, et ou cas que faire ne le porroient qu'ilz vous pourvoyent par voye de justice, ainsy qu'ilz verront estre à faire par raison, et encore présentement leur en escripvons et tousjours serons ostez de faire faire et administrer sur ce toute bonne raison et justice et de nostre part nous y employerons très volentiers. Donné à Mehun-sur-Yèvre, le VII^e jour d'aoust.

A nos très chiers et bien amez, les capytaines eschevins des deux bancx, deulx doyens, conseyl et toute la communaulté de la ville de Gand.’

+ f^o 156 v^o