Dagboek van Gent van 1447 tot 1470. Deel 2

[p. 58]

Voort warer andere poynten overghegheven by den capytain ende raetslieden.

‘Te wetene, als van der saudye van den Ynghelschen met haerlieder medepleghers, te gader meer dan vyftich persoonen, de ghelavyen te X croonen de maent, de artchiers te VIII cronen de maent ende som van haerlieder medepleghers te VI grooten 's daeghs, draeght de saudie van der voornoemde persoonen meer dan LX lib. groote de maent, waer men de pennynghen van dien ende meer andere costen die de stede daghelicx heeft zal moghen vercryghen, het zy by conincstavelrien oft assysen up 't bier ende andre goet⁽¹⁾.

⁺ Item, als van den capitain van Poucke die begheert heeft viere voetboochscutters, de reste van zynder saudie, draghende XVI ponden grooten, ende dat men hem belove by briefven ontset te doene, up dat's nood zy, waer af myn heere van Praet, als vooght van Roelande, heere van Poucke⁽²⁾, ende maghen ende vrienden gheconsenteert hebben 't zelve casteel te doene ontdeckene ende de brugghen ende poorten af te doen doene 't haerlieder coste, zo dat gheene vianden daer inne luusschen⁽³⁾ en moghen.

Item, omme engienen t'hebbene, dat elc zynen upperconincstavele gheve zyne jonste van mottaelen⁽⁴⁾ weerckpotten, beckenen ende andersins die zy best derven moghen die overbrynghen binnen derden daghe.’

(1) Dit wordt gestaafd door de posten der Stadsrekeningen 1451-52, f^o 262 r^o, op 9 Juli: ‘Uutgheven in betalinghen ghedaen den Inghelsschen in saudeyen, wapenen ende anderssins by laste van den hooftmannen ende capitain’; de som beloopt tot 74 p., 18 sc. gr.

+ f^o 141 r^o

(2) Poecke ten N. van Deinze gelegen, was door de Gentenaars bezet; indien Lodewijk van Praet in de bemanning van het kasteel had toegestemd, was het slechts omdat hij te Gent aangehouden was door Jan De Vos op 20^en Juni bij zijnen terugkeer der afvaardiging bij den hertog op 4 April, zie f^o 176 r^o.

(3) Luusschen, bespieden, schuilen.

(4) Mottaelen, van metaal.

[p. 59]

Item, up al ditte vergaderden de drie Leden van Ghendt den XI^en dach in july, ende sloten te blyvene by haerlieder eerster andwoorde, ghegheven ter eerster submissie hier voren verclaert. De ghedeputeerden trocken weder overe, besoyngierden zo verre [dat] de ambassadeurs zelve quamen te Ghendt, 's donderdaeghs avont der zelver maent⁽¹⁾.

Item, up den zelven donderdach was vergadert 't volck ter maerct metten clocslaghe.

(1) Vgl. Kronijk, D. II, bz. 156.