Dagboek van Gent van 1447 tot 1470. Deel 2

Den stryt te Overmeere ende uutfaert te Tielt, ende tot f^o 124 v^o by Brugghe.

Item, 's dycendaechs den XXIII^e in meye, bleven vele Ghenteneers up den bollewere te Overmeere⁽³⁾.

Item, 's donderdaechs wonnen ende verbranden 's princen lieden Nevele, maer daer bleeffer doot van beeden zyden even vele, onder al wel twee hondert.

Item, 'ts vrindaechs 's nuchtens, verslouch dlantvolc ter Leystraete wel drie ondert van 's princen lieden doot, zonder dier ghequetst worden⁽⁴⁾.

Item, ende up den zelven dach trocken die van Ghendt met Jan De Vos, haren hooftman, te Tielt waert [met] heercrachte,

(3) Zie daarover Chastellain, D. II, blz. 260-69; La Marche, D. II, blz. 250-54; Du Clercq, D. II, blz. 33-35.

(4) Over den slag van Nevele, leze men buiten de hierboven vermelde schrijvers, M. d'Escouchy, Chroniques, D. I, blz. 416-23; Chronique des Pays-Bas, blz. 491-493; Kronijk, D. II, blz. 140-43.

[p. 20]

maer als zy te Tielt quamen en vonden zy daer eenen man nyet t'huus, namen by dien d'engienen ende abylymenten, dienende der oorloghen, die zy daer vonden.

Item, ende mids dat ghemeen voix ghync ende langhe ghegaen hadde, ‘quamen die van Ghendt te Brugghe, die van Brugghe zouden rysen ende latense inne’, zo trocken die van Ghendt doe by Brugghe ende sonden tot voor de poorte eeneghe ghedeputeerde, die nyet ghelooft⁽¹⁾ en waren daer inne te treckene, noch men wildere ooc haer last by brieven oock nyet ontfaen, want 't heerscip⁽²⁾ dat daer binnen was, hilt Brugghe in dien tyt in zulcken state, als datter een man nyet ghelooft en was daer uut te ghane, noch den heeren van Ghendt leeftochte te beweghene, alzo langhe als zy daer laghen. Die van Ghendt dat ansiende, keerden of paeysivelic ende quamen t'huus 'ts maendaeghs in de Syncxendaghen, den XXIX^en dach van meye.

Item, 'ts woondaechs daer naer, den lesten dach van meye, verbranden 's princen lieden Sotteghem. VI maufateurs waren te Ghendt onthooft up 't scavault, daer omme dat groot volc metten clocslaghe vergadert was⁽³⁾.

(1) Ghelooft, geoorloofd.

(2) Heerscip, de kapitein van Brugge, Lodewijk de Gruthuuze, met den magistraat; voor den tocht naar Brugge, zie de Kronijk, D. II, blz. 143; Gilliodts, Inventaire de Bruges, D. V, blz. 362; Chastellain, D. II, blz. 284-85; M. d'Escouchy, D. I, blz. 444-447.

(3) Kronijk, D. II, blz. 144-45; Stadsrekeningen 1451-52, f^o 257 r^o.