Dagboek van Gent van 1447 tot 1470. Deel 1

Dat de poortre noch zyn goeden vervremden.

‘Item, men ghebiet als vooren, dat alle poorters van der stede van Ghendt hemlieden gheensins pynen⁽⁴⁾ haerlieder goet wech te doene ofte te doen doene, om ontvremt te werdene, van binnen der zelver stede, ofte oock van haerlieder goedynghen,

(4) Pynen, trachten.

[p. 238]

die zy hebben binnen deser casselrie; die 't dade ofte die's hem pynde te doene, die zaude men hauden ende rekenen over viant deser stede ende 't zelve goet brynghen ten oorbuere ende proffyte van der zelver stede.

Item dat alle de ghuene die poorters zyn van deser stede hemlieden nyet en absenteren van der zelver oft uuterlicken trocken uuter casselrien, het en es by consente, wetene ende wille van den Hooftmannen; die 't dade ende die's bevonden, die saude men corrigieren ende maken viant ende fugytyf van deser stede.’

Dit voorghebot aldus ghelesen, elc sciet van der maerct⁽¹⁾.

(1) Vgl. Kronijk, D. II, bz. 124.