Dagboek van Gent van 1447 tot 1470. Deel 1

Justicie.

Item, 's dycendaechs den XIIII^en decembris was by den Hooftmannen brocht ter maerct, up een schavault, ende aldaer onthooft Heynkin Van den Broucke⁽²⁾, ende de executie ghedaen, de Hooftmannen ghynghen up 't Hoochuus ende ghaven den volcke aldaer te kennene dat zy de executie hadden⁺ ghedaen doen omme andre exemple daer an te nemene, want hy boven den voorghebode t'andren tyden uutgheleyt⁽³⁾, als dat nyement twist noch parlement maken en zaude desen tyt hanghende, up zoendync-brake, hy contrarie dien, ghewont ende ghequetst hadde eenen Jacop De Vroede, ende hadde ooc verleden⁽⁴⁾ buten pyne⁽⁵⁾ ende uuten bande van ysere, dat hy ende t' svoorschreven Jacops rechtssweer⁽⁶⁾ slaken in wettelicken vrede.

(2) Kronijk, D. II, bz. 122.

+ f^o 65 v^o

(3) Voorgebod van 29^en October, bz. 131.

(4) Verleden, bekend.

(5) Buten pyne, buiten de pijnbank.

(6) Rechtssweer, cousin germain.