Dagboek van Gent van 1447 tot 1470. Deel 1

Exame.

Item, volghende dien wasser 's donderdaeghs ten IX hueren groot volc vergadert ende maecten groot samblant van over d'ander zyde te willen gane, daer omme dat een groot ghedrom rees onder hemlieden, maer men rieper al: Staet, staet; maer wilden hendelic hebben intert van justicien ende waren zeere ontpaeyt omme dat zy verhoorden dat eeneghe scepenen hemlieden absenteerden ende dat daer gheen zeven en waren⁽²⁾; gheviel 't emmere datter daer tot VII vonden was, te wetene, Guy de Scautheete voorscepenen, d'ander vive van den lede van den neerrynghen, ende Jan Van Meerendre, van der weverien, de welcke metgaders de rechter terstont te kennen gaven van up Thoochuus⁽³⁾ dat zy gaen zauden ter examen, alzo zy daden met meer anderen, Mer Baudin De Vos, ruddere, Jan Leyns, d'aude, ende Lammins.

Item, des achternoens zeyden beede de dekenen, ten Thoochuus uute, dat die persoonen nyet gheleden en hadden ende dat m'er nyet in en vant, vraghende wat m'er mede voort doen zaude, 't welcke het wart'er wederstaende in

(2) Er waren zeven schepenen noodig om ‘de vierscare te spannene’, dit is om als rechtbank te zetelen.

(3) Over het Tooghuis, het huis ‘waer men ute toghet’, in 't Fransch la Maison des Remonstrances, zie Fr. de Potter, Gent, D. VI, bz. 328.

[p. 186]

grooter vreesen ten twee stonden dat elc gruwen mochte van ghedromme.