Dagboek van Gent van 1447 tot 1470. Deel 1

Absentie van Wethauders.

Item, tsnavonts, uuten laste van eeneghen neerynghen ende omme dat volc hem zo grootelic steerck maecte in de huusen van neerrynghen ende ambochten enz., dats hem elc ontsach⁽³⁾, zo dede de rechter vergaderen scepenen van der kuere, verzochte an hemlieden dat zy intert doen zouden van wette, rechte ende⁺ justicien, alzo zy met hem belooft hadden te doene ende met hem gaen ter examen, dwelcke zy hem ontseyden, sceeden uuten Scepenhuus ende treckende elc zyns sins, daer de rechtere uuten Scepenhuus commende ghenouch openbaerde voor 't volc, dwelcke zeere daer in t'onvreden was.

(3) Ontsach, duchte, bevreesd was, Oudemans, Oudnederlandsch Woordenboek, D. V, bz. 326.

+ f^o 49 r^o