Dagboek van Gent van 1447 tot 1470. Deel 1

De andwoorde van den ghedeputeerden.

Up Sente Andriesdach, den lesten novembre, waren de voorschrevene ghedeputeerde van den prince ende wart daer omme vergadert de collatie, ter welker zy updaden voor andwoorde dat ons gheduchte heere hier zenden zaude baellius,

[p. 179]

wilde men scheeden uuter waken⁽¹⁾ ende den heere ende der wet laten gheweerden up haren eedt, ghevende daerof hare lettren van verzekertheden met meer woorden, enz.

Item, ter zelver tyt ghaven scepenen van beede de bancken⁺ te kennene dat elc overzien zoude wie in 't zyne hem fugityf ghemaect hadde, ende dat daer up elc overbrynghen zoude wat men daer mede doen zoude.

Item, de rechtre wilt dat scepenen eed daden dat zy nyet vervremden en zauden van deser stede, ghelyck hy ghedaen hadde; daer up zy antwoorden dat zy de stede bezworen hadden ende sauden haeren eed quyten.

Voort ghaven scepenen te kennene dat zy gheconcipiert ende gheraempt hadden een advys daer up elc wel trecken mochten te weercke ende gaen uuter wake, ende hadden daer of ghedaen maken drie brieven evenghelyc, daer af eenen ghelesen was ende luut aldus:

(1) Geene gewapende wacht meer houden in de neringhuizen.

+ f^o 47 r^o