Dagboek van Gent van 1447 tot 1470. Deel 1
(1901)–Anoniem Dagboek van Gent 1447-1452–Den eedGa naar voetnoot(1).‘Dat zweerdy, gherecht justicier ende rechter te zyne in de stede van Ghendt ende dat daer toe behoort, naer d'inhaude uwer commissie by den drie leden van deser stede ghecommitteert, mids der absentien van den baellius, de heleghe kercke in rechte te haudene, onsen gherechten Heere den grave van Vlaenderen zyne recht en signorie te haudene, de privylegien ende vryheden van der stede te haudene, weduwen ende weesen, aerme ende rycke in rechte te haudene ende al te doene dat een goet gherechte justicier ende rechter sculdich es te doene, totter comste van den Heere, ende al den tyt dat ghy 't wesen zult, naer huwe vroeschepe, naar uwe wetenthede ende naer huwe macht. Alzo moet hu God helpen ende alle Gods heleghen. Actum ut supra.’ |
|