Dagboek van Gent van 1447 tot 1470. Deel 1

[p. 163]

Hier comt Lievin Willemets, die rechter ghecoren was by den drie Leden, t' Scepenhuus.

Item, tsdonderdaeghs den XVIII^en novembre, quam Lievin Willemets, die rechter ghecoren was, by toedoene van beede de dekenen dien ghehaelt hadden, in 't Schepenhuus van der kuere, ende daer deden scepenen van beede de bancken, midsgaders beede de dekenen, hem gaen staen in huerlieder presentie ter veynstren, daer men daghelicx pleeght te bannene⁽¹⁾, ende dede daer lesen by eenen secretaris ende huutroupen voor al 't volc, zyne commissie, alzo die ter maert hadde gelesen ghesyn. bezeghelt ende ghemaect alzoo 't behoorde, sprekende van woorde te woorde zo hier naer volght:

(1) Te bannene, de afkondigingen te doen.