Dagboek van Gent van 1447 tot 1470. Deel 1

[p. 144]

Exame ende 't verlyen van Lodewyc D'Hamere, de tweede reyse.

Lodewyc D'Hamere kent dat hem M^er Pieter ende M^er Jooris veerchde Daneel Sersanders, Lievin De Pottere, Lievin Sneevoet, maer specialic Daneel doot te slane, ende seyden, waer 't dat men Daneele doot gheslaen conste, het zoude wel versoent werden, maer myn gheduchte Heere en mochter nyet af weten; ende consten zy dat nyet ghedoen, zo veerchde hem de zelve meester Pietere ende M^er Jooris een wapenynghe te makene. Ende kende de zelve Lodewyc dat hy hemlieden beloofde de wapenynghe te helpen makene ende hadde vulmaecten wille, ende beloofde zyn beste daer toe te doene wanneer dat meester Pieter ende meester Jooris wilden.

Item, de zelve Lodewyck kendt dat meester Pieter ende M^er Jooris zeyden dat de haude bende hemlieden bystandichede doen zoude om een wapenynghe te makene, ende seyden zy sauden haer vrienden bescriven ende Pieter Bogaert ende Jacop Mast zouden hemlieden bystandichede doen, elc met XL oft vyftich ghezellen, alzo M^er Pieter ende M^er Jooris zeyden.

Item, de zelve zeght dat Lievin Wicke van deser materien met Pietren Bogaert ende Jacop Mast ghesproken hadden, maer zy foelder⁽¹⁾ beede mede, ende en wilder nyet af hooren, alzo Lievin Wicke zeyde. -

⁺ Ende al was 't zo dat de voornoemde IIII ghezellen ter voorschreven plaetsen ghebrocht waren up den voorschrevenen vrindach-avondt, nochtan en worden maer de voorschreven twee persoonen ghepynt, uut causen dat d'andere bleven by 't ghuent dat voorschreven es by hemlieden.

Item, binnen der zelver nacht, eer de ghedeputeerde schieden huut 't sGravensteen, war 't by beede de dekenen van zynen

(1) Foelder, van foelen, d.i. gekken; ziet Verwijs-Verdam, D. II, kol. 832.

+ f^o 33 v^o

[p. 145]

bedde ghehaelt Jan Lammins, scepenen van der kuere 't jaer voorleden⁽¹⁾, ende daden voort verzouck omme meer andere, ende was in 't Sauchelet gheleedt.

(1) Memorieboek, D. I, bz. 231, en hiervoor bz. 107.