Dagboek van Gent van 1447 tot 1470. Deel 1

Pandynghe.

Item, doe worden by den amman van Ghendt ende by⁺ scepenen wettelic ghepandt van etynghen⁽¹⁾ ende voor der stede goet, de personen hier naer verclaert:

Item, Jan Van Siccleer, voor ondert lib. groote.

Philips Sersanders, voor vyftich lib. groote.

Pieter Hueriblock, voor XL lib. groote.

Meester Pieter Bauwins, voor ondert lib. groote.

Jan van den Hane, als secretaris ende ontfanghere van scepene van der kuere, kende onder hem ghenantiert⁽²⁾ zynde,

+ f^o 32 v^o

(1) Etynghen, d.i. vyandschap; zie Stallaert, Glossarium van verouderde Nederlandsche rechtstermen, op dit woord.

(2) Ghenantiert, van nantieren, d.i. een eischer voorloopig bevredigen, Verwijs-Verdam, D. IV, bl. 2171.

[p. 142]

voor Jacob van den Hane, zynen vadere, zekere sommen van pennynghen; ende in elcx huus van den voornoemden personen waren gheleyt V weddeboden, ende corts daer naer wart huerlieder goet voor de zelve somme vercocht, al naer de wet van der poort.

Item, up den zelven vrindach tsnavents, trocken weder alle de ghedeputeerden in 't sGravensteen als te voren, ende daer zynde, midsgaders beede de dekenen ende eeneghe scepenen, zo coos men uut elcken lede VI persoonen, die met beede de dekenen ende eeneghe scepenen ghynghen in den put⁽¹⁾, examineerden daer weder de voornoemde IIII ghezellen, ende als zy vuldaen hadden, alzo hemlieden dochte, so ontboot men alle d'andere uuter sale beneden in den zelven put ende daer las men huerlieder verkennen ende verlyden dat zy al doe ghekendt hadden ende noch voor hem allen kenden, in der manieren hier naer volghende:

(1) De veroordeelden werden nedergelaten in een kelder of put in 's Gravensteen alwaar de pijnbank stond.