Dagboek van Gent van 1447 tot 1470. Deel 1

De wet t'alfougste anno XIIII^c vyftich.

Item, 't savonts up den alfougst-avondt, waren scepenen ghemaect ende uutgheroupen als men naer de prevylegie sculdich es van doene, ende waren scepenen van der kuere⁽¹⁾: Mer Steven van Lyckercke, ruddre, Arendt De Brune, Jan Pappal, Jacop Van Ravescoot, Jan De Bels, Gheeraert Van den Dycke, Joos Van den Muelene, Jan Leys, de jonghe, Jacob Van Ertbuer, Jan Lammins, Jan Van den Poele, scipman, Pieter⁺ Lynesone ende Lievin De Meestre. Scepenen van ghedeele: Jan Uuten Hove, filius Jans, watergrave; Claeys Weytins, Heynric De Jaghere, Lievin Zoetamys, Lauwereyns Dullaert, meester Pieter Goetghebuer, Willem Van der Cameren, Philips Kerssove, Lievin Van Hauwaert, Jacob Van Crombrugghe, Pieter De Hase, Gillis Van der Stichelen ende Lievin Van Caneghem.

In 't vermaken van welcker wet, daer 't alzo ghesciet was, ende dat zy dienen zauden die toecommende jaerschaere zonder provysie, also men zeyde, altyts tracterende om accort tusschen den prince ende der stede, waerinne 't volc zeere verblyde; ende nochtans ghesciede in dit scependom diverssche wonderlic zaken, alzo hier naer verclaert zyn eeneghe van dien.

(1) Zelfde lijst in Memorieboek, D. I, bz. 230-31.

+ f^o 18 v^o