Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio B44rb]
| |
emulatio Cxxxvij
10[regelnummer]
¶ Die mit herten ende mit sinne
Wairlijc blijft in gods minne
Die moet liden ende doghen
Dat mogen wi te rechte togen
Biden reinen brudegoom
15[regelnummer]
Die ter bruut mit minnen room
Spreect dine lieue is als die doot
Starc: dese glose albloot
Wille seggen des menschen minne
Den gods sone was inden sinne
20[regelnummer]
Dat hi lieuer den sterke doot
Leet: dan hise inder noot
Ghelaten hadde ende niet verloest
¶ Hier siin wi alle in getroest
Ooc is rechte minne starc
25[regelnummer]
Want wie inder minnen parc
Ringhet mit ghestaden moede
Die moet altoes siin in hoede
Dat hi doe der minnen recht
Ende geue hem seluen int geuecht
30[regelnummer]
Iegen den duuel ende dat uleesch
Ende ieghen alder werelden eesch
Der minne volghinge is voirwair
Als die helle hart ende zwair
Want ware minne moet altoes liden
35[regelnummer]
Ende iegen quaetheit altoes striden
Ende en heeft nemmer rust
Tot si crijcht al haren lust
Want wie minnen mit ganser honen
Mit gansen werken sel wel tonen
40[regelnummer]
Die moet bitterlike leuen
Altoes mit arbeit sonder sneuen
Merct hoe bitterlike dat god
In airtrike leuede sonder spod
Om die ganse ware minne
45[regelnummer]
Die uast was in sinen sinne
Eer hi ons te male verloeste
Dat was hem een hellen rooste
Ay merct hoe hart was die volghingen
| |
[Folio B44va]
| |
Die cristus uolchde in swaren dingen
50[regelnummer]
Der sielen totter bitter doot
Dit was altoes helle groot
Dus sal die minne der heiligher kerken
Altoes sterkelike werken
Werken die te gode horen
55[regelnummer]
Si en sal ooc niement toren
Anesien ende werken laten
Die hair te gode mogen saten
Entie mensche die gods minne
Vaste draecht in reinen sinne
60[regelnummer]
Die sal liden pine groot
Die der helle siin ghenoot
Eer si hair uan gode laet sceiden
Dogen liden arbeiden
Dit siin alder hellen werke
65[regelnummer]
Dit lijt ooc die heilighe kerke
Want si wil mit minnen volgen
Gode altoes onuerbolghen
Dair om spreect die brudegom
Te hant in minnentliken room
70[regelnummer]
¶ Hair lampen siin lampen van vure
Ende der vlamme tot alre vre
lampades eius lampades
ignis atque flammarum. Cxxxviij
¶ Biden lampen machmen duden
75[regelnummer]
Reine ende goede luden
Die tvier uan minnen altoes dragen
Int herte ende gode behaghen
Ende uan buten mede lichten
In goeden werken dair si mede stichten
80[regelnummer]
Hare naeste in gods minne
Ende ter duechde mit gansen zinne
Dese en mogen niet verderuen
Noch uan gheenre sonden steruen
Dair om spreect hi hier nv voort
85[regelnummer]
Van rechter minne soete woort
¶ Vele watre en mogen niet
Lesschen minne wats ghesciet
Die vloeden en sullen niet verkeren
| |
[Folio B44vb]
| |
Die minne dair bi sulwi leren
90[regelnummer]
aque multe non potuerunt
extinguere caritatem nec
flumina obruent illam. Cxxxix
¶ Dattie rechte minne altoes
Stade blijft ende sonder loes
95[regelnummer]
Dit doet ons salemoen verstaen
Die spreect getrouwe vrient al sonder wa[en]
Starc ende uast die mint altoes
Anders is die minne loes
Deser werelt soeticheit
100[regelnummer]
Ende leuen sonder arbeit
Wille te hebben ende niet te liden
Dit siin warre die zere an striden
Hoe si uan gods minne brengen
Die siele ende in sonde twengen
105[regelnummer]
Vloede siin der werelt pine
In droefheit ende in noden te sine
Dese en werpen minne niet omme
Alsi recht is ende sonder cromme
Ware minne laet sceiden niet
110[regelnummer]
Ghelieuen om enich verdriet
Dit seecht ooc sinte paulus wel
Goet leuen noch die doot ooc fel
Noch dreigen noch ooc enich smeken
Mach mi uan cristus minne niet breken
|
|