Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio B26va]
| |
In urouden ende in weeldicheit
5[regelnummer]
Dat si uan gode is ontfaen
Want si an hem al is gegaen
Des mocht si denken mit houairde
Du sijs nv in groter wairde
Hier saltu emmer in bliuen
10[regelnummer]
Niement can di hier of driuen
Dit wair der bruut groot ongheual
Dat si dit dachte. want si den val
Dan nemen soude die lucifer
Nam doe hi uan gode ver
15[regelnummer]
Viel tot inder hellen gront
¶ Hier om spreect te deser stont
Die brudegom te sire karen
Dese woorde al sonder sparen
Dat si hair seluen sal bekinnen
20[regelnummer]
Oetmoedelike in allen sinnen
¶ Ic heb onder den appelboom
Di ghewect. want ic nam goom
Dat diin moeder wart bi wonder
Gebroken ende beulect dair onder
25[regelnummer]
sub arbore mali suscitaui
te ibi corrupta est mater
tua ibi uiolata est geni\trix
tua Cxxxv
¶ Die brudegom wil lieflic spreken
30[regelnummer]
Soetelike na minnen treken
Als een man te sinen wiue
Die hi heuet uan enen keitiue
Genomen ende vrouwe gemaket
Dat si so uaste si ghestaket
35[regelnummer]
Mit armoede ende altoes weet
Hair toecomst : ende niet vergeet
Inder houairde alder weldaet
Die si uan minnen al ontfaet
Die appelboom was dat rijs
40[regelnummer]
Inden airdschen paradijs
Dair die duuel selue op clam
Ende dair of den appel nam
Die yeue onse moeder beet
| |
[Folio B26vb]
| |
Dair ons of comen is al leet
45[regelnummer]
Onse moeder wort te broken dair
Want wi worden alle voerwair
Verstoten ende uerworpen mede
Die waren in onsterflichede
Dair bi worden wi sterflic al
50[regelnummer]
Dat was ons groot ongheual
Der bruut moeder was nature
¶ Der menschelicheit die doe ter vre
Wert te broken biden sonden
Dair die mensche noch in wart vonden
55[regelnummer]
Alsi teser werelt comet
Dair dat cruce ons weder vromet
Want dair worde wi weder verloost
Dair wart uerwect mit allen troost
Die bruut die te uoren was
60[regelnummer]
Doot : wart leuende ende genas
Onder des crucen appelboom
Merct wat dit is ende nemet goom
Ghelike dat ons die vrucht verderued[e]
Des booms : dat ons yeue eruede
65[regelnummer]
Dat onser alre moeder is
Dair wart die mensche sonder mis
Van gode ghebroken ende verscrouen
Ende ooc onse moeder dair bouen
Die nature der menschelicheit
70[regelnummer]
Wert beulect also ghereit
Verwect ons god andes crucen boom
Dair wi bi des neemt goom
Siin van sduuels hande verloost
Ende leuen alle in gods troest
75[regelnummer]
In dese woorde wert gheleert
Die siele die hair te gode alkeert
Of si gracie vint van minnen
Dat si hair seluen kenne binnen
Ende houairde al uan hem driue
80[regelnummer]
Ende in ootmoedicheit becliue
Van gode ende hem niet begheuen
Des volcht hier na sonder sneuen
Hoe die bruut sal gods gedenken
| |
[Folio B44ra]
| |
Set mi als een tekenkiin
85[regelnummer]
¶ Op dire herten dat maect een scijn
pone me ut signaculum super
cor tuum sicut signaculum
super brachium tuum Cxxxvj
¶ Dat wi altoes dat sullen kinnen
90[regelnummer]
Wat god uan sire groter minnen
Om onsen wille heuet gedaen
¶ Twee pointen mogen wi hier verstaen
Die god uan ons begheert van minnen
Dair wi sine hulde mede winnen
95[regelnummer]
Dat wi siins altoes gedenken
Ende altoes uan minnen scenken
Ghehuechnisse in onser herten
Siin doot sal ons emmer smerten
Des sulwi hem altoes setten
100[regelnummer]
In onser herten sonder letten
Ende op onsen armen mede
Sal hi een teken uan wairhede
Sijn: dats so wat wi spreken
Ende werken in allen treken
105[regelnummer]
Dair god sal int ghedachte sijn
So is alle dinc recht ende fijn
Dit heuet god al hier gheleert
Der bruut die in hem is gekeert
Hier mogen wi prouen ende merken
110[regelnummer]
Dat ootmoedicheit in werken
In ghedachte ende in woorden
Is in ware minnen oirden
Een fondament dair minne op staet
Anders ware minne te gaet
|
|