Commentaar op het Hooglied


CCXXI Hoe die bruut rust nader verga\deringhe hairs lieuen. NV die rechte trouwe vriendinne Gods uan soeter ware minne Is mit haren lieue te samen Gecomen : ende mit hem sonder scamen 5[regelnummer] Gedronken heuet ende blide ghesijn Dat wart thant an hair hier scijn Dat si van hairs lieues lust Comen is te groter rust Ende belooft hair sire minnen 10[regelnummer] Ende spreect uan soeten sinnen ¶ Sine luchter hant onder mijn hooft Ende sine rechter hant ghelooft Sal altoes ommehelsen mi leua eius sub capite meo et 15[regelnummer] dextera illius amplexabitur me Wat men merken mach hier bi Vindi in den eersten boeke Die soeken wil mit ganser roeke
[Folio B26ra]
In dat capitel beghint 20[regelnummer] Sine luchterhant dair men in vint Hier na comen ooc die woort Die die brudegom spreect voort In den eersten boec te hant Hier ghelijc als ic dair vant 25[regelnummer] ¶ Ic beswere v dochter miin Van iherusalem recht fijn Biden reen ende biden herten Der campen dat gi niet so derten Smit dat ghi miin lief wecket 30[regelnummer] Of uut hare ruste trecket Tot si selue wil op staen adiuro uos filie iherusalem per capream ceruosque camporum ut non suscitetis neque eui\gilare 35[regelnummer] faciatis dilectam do\nec ipsa uelit Cxxxiij ¶ Noch so moeti weder gaen Dat ghi die glose vint Int capitel dat beghint 40[regelnummer] Die coninclike brudegom Int eerste boec des neemt gom