Commentaar op het Hooglied

(1975)–Anoniem Commentaar op het Hooglied– rechtenstatus


CCXX Hoe men te Gode climmet mit minnen IC wil v ene leder maken Dair die siele in allen saken Bi mach climmen in gods minnen Wilsi sueticheit ghewinnen 5[regelnummer] Seuen sporten ende niet mere Heuet die leder in deser lere Die uaste sullen an tween bomen Versamet siin mit uaster gomen ¶ Twee leder bome sullen sijn 10[regelnummer] Twee kennesse uan herten fiin Die uan beneden op sullen gaen Te gode ende altoes uaste sullen staen ¶ Teerste is ons selues kenningen Dat wi siin in cranken dingen
[Folio B27ra]
15[regelnummer] ¶ Tander wat god altoes is Dair an en is geen gemis Dat geen lac noch wandelbairheit In desen tween sulwi bereit Siin altoes sporten te uoegen 20[regelnummer] Die ons in minnen loegen Dit neemt hier op bider bruut Dair dese sin is of beduut ¶ Dair om spreect die bruut mit sinne Wie geuet mi broeder soete minne 25[regelnummer] Dat ic di mach buten sien Hier machmen deerste sporte of tien Dair die bruut op set die voete Dat si uoirt climme mit goeder moete Dit geuet hair die heilige geest 30[regelnummer] Des raets dat si siin uolleest Voort mach climmen wilsi uolgaen Ende uast in gods minne staen Noch is inder herten binnen Van gode aldat soete minnen 35[regelnummer] ¶ Dander sport is als minne Vter herten gaet mit zinne Tien dingen dat men mint Als men hier tbeduut wel vint In dien dat si doet ghewach 40[regelnummer] Dat icken buten vinden mach Dese sporte heet begherten Als minne gaet uter herten Dair op set die voeten dan Die bruut dat si begheerlijc an 45[regelnummer] Come dat si sere mint Dits kennisse dair men bi vint Of minne wairt is of niet Die heilige geest hier ons besiet Mitter gauen der verstandenesse 50[regelnummer] Dair na comt die derde lesse Die de derde trappe heet Dair men bi op gaet gereet Dats cussen als hier nv seit Die bruut die buten heuet gereit
[Folio B27rb]
55[regelnummer] Hair lief dat si sere mint Dat icken cusse. hoort wat men vint In desen woorde dats datmen kint Ende men wete ende versint Te uolgen of datmen verliest 60[regelnummer] Al ander dinc dan datmen kiest Datmen vercoren heeft die minne Dats cussen uan soeten zinne Dese trappe geuet gods geest Ende uerleent na sinen volleest 65[regelnummer] Mit soeter wijsheit gaue ¶ Ten vierden ic voort graue Om die vierde sport ghereit Dat men dair in recht versteit Ic sal en houden ende gripen 70[regelnummer] Ende laten mi niet so ontslipen In desen gripen wi verstaen Dan deen den andren sonder waen Van soeter lieuen wel behaecht Hair wairt die minne vast gehaecht 75[regelnummer] Want lieuen alsi versamen Lieuelijc al sonder scamen Dats een graet uan goeden werken Die rechte minne mogen sterken Die heilige geest maect desen graet 80[regelnummer] Dair dese minne vast opstaet Der goedertierenheit : want minne Begrijpt hem tween in enen zinne Goedertierlijc te samen Dair si in bliuen sonder scamen 85[regelnummer] ¶ Die vijfte sport dair men op tret Dair men uolgaen wil sonder let Dats uan lieuen een genoegen Dit mogen wel dair toe voegen Dat si spreect ic salne leiden 90[regelnummer] Te mire moeder sonder beiden Sonder ghenoechte is minne niet Als men in uele dingen siet Leiden is soete ende bequame Dat comt uander minnen name
[Folio B27va]
95[regelnummer] Hier wart minne uast ghesterket Dattie heilighe geest al werket Bider gauen der starcheit Dair mede wart al minne gebreit Dat si duert ende blijft 100[regelnummer] Ghestade ende uaste beclijft ¶ Die seste sporte die ter minnen Hoort dair men of mit zinnen Mede mach climmen toten loon Die rechte minne gheeft sonder hoon 105[regelnummer] Dats trouwe die altoes sijn Sal tusschen twe lieuen fijn Dit versta wi in dit woort Dattie bruut hier bringet uoort Dair saltu mi lere gheuen 110[regelnummer] Dats hoe ic trouwelic moge leuen In dine minne sonder blame Ende in di altoes si bequame Saltu mi leren dit verstaet Die heilighe geest maect desen graet 115[regelnummer] Mitter heiligher consten gaue Want rechte const dair aue Dat ons leert die heilige geest Ende gheuet dair toe sijn uolleest Dat wi houden minne mit trouwen 120[regelnummer] ¶ Voort mogen wi merken ende scouwen Die seuende sporte dair die bruut Op gaet al die leder uut Dats uan lieue wel ghebruken Dat hem wel die woorde beluken 125[regelnummer] Die si spreect. ic sal di gheuen Dranc uan wine dit merket euen Dat dese wiin wel is ghecruut Die den coninc scenct die bruut Want als men mach uan minnen 130[regelnummer] Lieuelijc recht ghebruuc ghewinnen So is die minne al uolgaen Dit sulwi inden drinken verstaen Vrese gods maect desen graet Dair die bruut so hoge op staet
[Folio B27vb]
135[regelnummer] Dat si niet hogher mach stigen Dan dat si hair lief mach crigen Twee dranke geuet die siele al hiere Den brudegom uan .ij. maniere ¶ Deerste uan ghecruden wijn 140[regelnummer] Dat ghehoirsam wel mach sijn Die mit rechten dÜechden is Wel ghecruut ende goet ghewis ¶ Tander is most uan appel greine Dese dranc is niet ghemeine 145[regelnummer] Wantmen leider luttel vint Yement die desen dranc wel mint Verduldicheit heet dese dranc Om gode te liden ist leet of danc Watti toe comet verduldelike 150[regelnummer] Dese twe dÜechden voeden wairlike Rechte minne. want bi verdult Wart alle minne in gode veruult Bi ghehoirsam wart minne mede Gheknocht in vaster stadichede

Vorige Volgende

CCXX Hoe men te Gode climmet mit minnen