Commentaar op het Hooglied

(1975)–Anoniem Commentaar op het Hooglied– rechtenstatus


CCXV Hoe die bruut uut gaet ende wint die heiden te Gode. ¶ Soete lief laet ons opstaen Vroe enten wiingaerde gaen Ende laet ons sien of die wiingaert Heuet ghebloeit na sinen aert 5[regelnummer] Ende of die blomen brengen vrucht Ende of die appel uan goeder tucht Van punijc hebben ghebloeit Want si scinen wel gegroeit Dair sal ic di mine borsten geuen 10[regelnummer] mane surgamus ad vineas videamus si floruerit vinea si flores fructus parturiunt si floruerunt mala punica ibi dabo tibi vbera mea Cxxviij 15[regelnummer] ¶ Hier of neemt die glose wel euen Vroe ist als die sonne op gaet Thant na der dagheraet Dat beduut ons hier die tijt
[Folio W30va]
Dat om anxt niement vermijt 20[regelnummer] Gods woort te horen ende verstaen Na antekerst doot wil si gaen Ten wiingaerde ende besien Hoe si tuolc te hare mach tien Dat si bloien mit ganser tucht 25[regelnummer] Ende in gode maken vrucht Hier bouen is v wel gheseget Dat biden wiingairde is gheleget Ende ooc biden bloeien mede Dair om latict hier ter stede 30[regelnummer] Sonder beduden ende uare voort Te dichten nader bruut woort Die bruut spreect hier ende seit Een woort dair wel macht an leit Tontbindene of die bloeiende wiingaerde 35[regelnummer] Vrucht geuen na goeden airde Hier in merket wel ende verstaet Bloesem die uanden wijngaert gaet Dat siin werken die uanden mensche Gaen nader salicheit wensche 40[regelnummer] Dair die mensche in goede name Mede rust ende is bequame Gode ende der heiligher kerken Dat elc salich mensche sal merken Als dese name uaste staet 45[regelnummer] In goeden werken ende niet ontgaet Mer gaet uan duechden te dÜechden Dat siin uruchten die verhuechden Altoes die bruut ende noch ooc mede Dus comt die blome te vruchtbairhede 50[regelnummer] Datmen goede werken beghint Ende dair of laten niet een twint Want beghinnen ende niet uoluaren Is uoor gode spod ende scaren Dit meent die bruut in desen zinne 55[regelnummer] Si spreect thant ooc hier mede inne Vanden appel uan punijc Die siin den ghenen al ghelijc Die liden ende doghen draghen
[Folio W30vb]
Omme gode al sonder claghen 60[regelnummer] ¶ Van desen appel is gheseit Dicken hier uoren alst gheleit Dair om die dit boec uerstaet Hi vint elc in sinen graet Want ghelike dat al is een 65[regelnummer] God ende sine bruut gemeen So is uan hem allen die sin Al ene glose meer noch min Nu hoort wat si nv hier seghet Die lieue bruut die trouwe pleget 70[regelnummer] Tharen lieue want si niet soect Hair winninghe. mer der sire rooct Si spreect ic sal di al dare Mine borsten geuen uoirware ¶ Merket was dese borsten sijn 75[regelnummer] Die altoes gheuen lere fijn Van ouder ende uan nuwer wet Die altoes bliuen onbesmet Vanden borsten hebdi gehoort Hier uoren. des latic dit hier voort

Vorige Volgende

CCXV Hoe die bruut uut gaet ende wint die heiden te Gode.