Commentaar op het Hooglied

CLXXXIIIJ Hoe die dochtren uraghen

Diin soetelief hoe ist gedaen
Vten lieuen doe ons verstaen
O bouen allen wiuen scone
Sech ons dat al sonder hone
Wanttu ons heues besworen
Dat wilwi ghairne uandi horen
qualis est dilectus tuus
o pulcherrima mulierum
qualis est dilectus tuus
quia sic adiurasti nos lxxxv
¶ Die dochtren uan iherusalem
Siin al die gone die hem
Saten dat si sonder sparen
In gods minne gairne waren
Ende want si noch niet siin uolcomen
Noch niet ganselike hebben vernomen
Alle heimelicheit der scrifturen
Dair men in vint tallen vren
Gods minne ende sine werke
Dair in staet die heilighe kerke
Dair om vragen si der moeder
Die der minnen is een roeder
Ende spreken hier mit soeten sinne
¶ O alre scoonste coninghinne
Die bouen allen wiuen bist
Scone sonder enighen twist
Want du sijs mit herten fijn
Int gheloue mit allen scijn
Mit werke mit woorde ende mit lere

[fol. B41rb]

30

... el in onsen here

 

... [g]hedane is

 

... lief maec ons ghewis

 

... en hier nemet goom

 

Ende merket uanden brudegoom

35

Hoe hi in tween naturen is

 

Wair god ende mensche sonder mis

 

Dair om is deerste vraghe

 

Vander godheit sonder sage

 

Dat spreect hoe ghedane is

40

Diin lief vut lieue dats al ghewis

 

God uut god sone ute vader

 

In ene nature alte gader

 

Mitten heiligen geest gebonden

 

Eenpairlijc sonder ondergronden

45

Die dochtren uragen hier twee vragen

 

Der moeder die si horen clagen

 

Datsi hair lief heeft verloren

 

Deerste vrage gaet te voren

 

Want si allene ter godheit gaet

50

Si vragen in hoe ghedanen staet

 

Is diin lief uten lieuen

 

Maect ons cont in desen brieuen

 

Van sire godheit hoe hi is

 

Vten uader god ghewis

55

Mer hier of antwoort hem niet

 

Die bruut als men hier siet

 

Want niement dat vergronden can

 

Die leuet inder werelt dan

 

¶ Dander vrage volget mede

60

Die ooc uragen der bruut lede

 

Diin lief hoe is dat gedaen

 

Dat meent laet ons recht verstaen

 

Wair mede moge wi dijn lief kinnen

 

So bringhestu ons in sire minnen

65

Wanttu heues ons zere besworen

 

Des heb wine node verloren

 

Dat bezweren dattie bruut

 

Tharen kindren alhier luut

 

Dats dat hi hem brenge aen

[fol. B41va]

70

Dat si gheloueden [int(?)] din...

 

Die dope dair si of siin co[men]

 

Hoe si gode an hebben gh[enomen]

 

Dat si dien altoes so minne[n]

 

Ende soeken in allen sinnen