Commentaar op het Hooglied

(1975)–Anoniem Commentaar op het Hooglied– rechtenstatus


CLXXIX Hoe die brudegom die bruut wel minnentlike dwinghet te prediken NV die brudegom dat siet Dat hi mit woorden vordert niet An der bruut dat si hair ruste Yet wil begeuen enter luste 5[regelnummer] Der werelt mede wil weder gaen Des vlijt hi hem te werke saen Ende piindem die dore op doen Dair si om ruste in is gheuloen Dats dat si hier nv sprect 10[regelnummer] Ende hairs liefs daet ondect ¶ Miin lief sende sine hande Doir dat gat al sonder scande Ende miin buuc beuede thant Doe hi sine roeringhe beuant 15[regelnummer] dilectus meus misit manum suam per foramen et venter meus con\tremuit ad tactum eius lxxix ¶ Want die brudegome ghebeden 20[regelnummer] Der bruut heeft mit haren leden Dat si vlitich siin te werken Ende rechte gheloue sterken Des si hair onsculdicht heuet Niet dair om dat si yet leuet 25[regelnummer] Onhoirsaemlijc in gode Mer dat si al sine ghebode
[Folio B39va]
Gairne doet alst siin wille is Mer om die grote sorghe gewis Die hair so dwinct nacht ende dach 30[regelnummer] Dat si hair hoeden niet en mach Des comet nu die grote here Die uan herten mint so zere Die bruut die siele die kerke Dat hi mit woorden ende mit werke 35[regelnummer] Mit ghebieden ende mit vleen Wil ons allen maken een In sire minnen mit salicheit Dair om ist dattie bruut seit Miin lief sende sine hande 40[regelnummer] Doir dat gat al sonder scande Merket hier wat gods hande sijn Dat siin werke uan goeden scijn Der hoirsamheit als god ghebiet Dat gat als ons die scrift bediet 45[regelnummer] Is dat horen uanden mensche Dair in steect god na den wensche Der salicheit al sinen wille Datter herten comet stille Ende als hoirsam recht vernemet 50[regelnummer] Den wille gods die si dan vremet Mit goeden ulite sine ghebode Die si laten soude node Des ghelike doet die bruut ¶ Die brudegom had hair beduut 55[regelnummer] Sinen wille dat si hair zaen Ontsculdichde des woudi gaen Selue tot hair ende roeren si Mit werke dair in wart si vri Ende want in prediken ende leren 60[regelnummer] In berechten ende in bekeren Den sondair ende an gode tien Die quade. men mach dit dan sien Dattie lerer liden moet Menigherande pine onsoet 65[regelnummer] ¶ Des spreect si want mijn buuc verstoot Dats dat hi soude hebben noot Die buuc der kerke siin die crancke
[Folio B39vb]
Die hem seluen mit ghedanke Kennen broesch ende onnutte 70[regelnummer] Vter scrifturen putte Te lauen ende te leren mede Ende te wachten der bruut lede Entie hem seluen onnutte seggen Inden arbeit hem te leggen 75[regelnummer] Dair om beuensi dat vernem Als men beuelet hem Der kerken kure ende hare last Dair om beuen si sere vast Dair bouen als ment hem gebiet 80[regelnummer] En mogen sijt ontseggen niet Si moetent doen ist lief of leet Dit meent hier die bruut gereet Mer want gods wille al moet volgaen Willen si ghairne siin onderdaen 85[regelnummer] Dair om spreect si thant hier nair Doe ic mijns liefs wart gewair ¶ Stont ic op om dat ic soude Hem ontsluten als hi woude surrexi ut aperirem 90[regelnummer] dilecto meo lxxx ¶ Dit salmen also verstaen Doe miin lief mi brocht aen Dat ic soude die lude leren Ende ter rechticheit bekeren 95[regelnummer] Stont ic op ende was gereet Ghairne te doen al siin beheet Ende ic dede hem op die doren Der herten die wouden horen

Vorige Volgende

CLXXIX Hoe die brudegom die bruut wel minnentlike dwinghet te prediken