Commentaar op het Hooglied


CL Van ses pointen der salicheit Ses pointen sulwi nu merken Die den sondair mogen sterken Ende bringhen toter gods ghenaden Die die sonden wil door waden 5[regelnummer] Teerst sal hi hem bekinnen Ende sine sonden in allen sinnen ¶ Ten anderen male sal hi op gaen Mit rouwe te gode sonder waen Dese twee beduden wel 10[regelnummer] Dair die woestine climmen snel ¶ Mit biechten sal hi dan den rooc
[Folio B43vb]
Op wairt senden als een smooc Dair na sal hi sine sonden Betren tallen stonden 15[regelnummer] Ende sinen lichaem sere castien Dat doet ons die mirre lien ¶ Dair na comet reine ghebede Dattie wierooc beduut mede Dat sal uoir gode ruken soet 20[regelnummer] Mit innicheit ende mit ootmoet Dair na der puluer duechden comen Die tallen tiden moghen vromen So wie dus scone climmen beghaert Hi was lelic hi was waert 25[regelnummer] ¶ Der heiligen exempel ende leuen Moghen goede exempel gheuen Ghelike den puluer dat is clene Ghemake uan sueten crude gemene