Commentaar op het Hooglied (1975)

Commentaar op het Hooglied

(1975)–Anoniem Commentaar op het Hooglied– rechtenstatus

Auteursrechtelijk beschermd

Vorige Volgende


CXXXVI Welc rechte lelien voor Gode siin Merket ic wil v corteliken Vanden lelien laten bliken Als ons sinte bernaert seit Dair grote bequamelheit an leit 5[regelnummer] Ende dair cristus gairne is mede Nader soeter minnen zede Wairheit ende sachtmoedicheit Onnoselheit ende suuerheit Verduldicheit ende rechte ootmoet 10[regelnummer] Dit siin alle lelien goet Want si geuen soeten rooc Pais ende vrede siin lelien ooc Onder dese wil siin gheuoet Cristus mit saligher spoet 15[regelnummer] Merket of hi in sinen leuen Enighen van desen wilde begheuen Ja so langhe wart gheuoet Cristus die brudegom goet Tot die dach hem verbaert 20[regelnummer] Nader wilder dieren aert Die bi nachte ende niet bi daghe Hare weide soeken sonder saghe Dat is tote die soete tijt Comen sal diet al verblijt 25[regelnummer] Die in ti[de sal be]ghinnen Mer sonder t[iit in] durender minnen Ewelijc bescinen sal In salicheden ouer al In clairheit scoen ende emmermere 30[regelnummer] Dair selue sonne is onse here Dan vergaet al deemsterheit Sceme twiuel wort hene gheleit Wairheit is dair openbaren Emmermeer sonder veruaren 35[regelnummer] Eert comet ter saligher tijt
[Folio B24vb]
Wart gheuoert sonder respijt Die brudegom uan alden gonen Die hem scone lelien tonen Van duechden ende uan goeden werken 40[regelnummer] Hier op suldi alle merken Ende pinen v dat ghi ooc sijt Lelien dair god in verblijt Hier mochten sulke luden denken Dat god an eren mochte menken 45[regelnummer] Dat hi werden wille gheuoet Die alle dieren mit goeder spoet Van sire benedixien gheuet Voetsel dairt al bi leuet Des antwoirt hier ter vairt 50[regelnummer] Mitten goeden sinte bernaerd Dat mine penitencie is Ons heren spise al ghewis Ende dat hi gheert mit mi teten Als ons sinte ian doet weten 55[regelnummer] In apocalipsi dair hi seit Ic sta uoir der dueren ghereit Ende cloppe. die mi op doet Van dien wil ic siin gheuoet Piint v dat ghi lelien drie 60[regelnummer] Voedet. nv merct welc sijn die ¶ Deerste is onnoselheit Die voghede inder kerstenheit Tallen menschen dat ghi ruket Wairmen den mont van v opluket 65[regelnummer] ¶ Verduldicheit is dander bloeme Die v zere coomt te vrome Onder uwen euenkersten Dat v geenre minne mach gebersten ¶ Dat derde is onthoudenesse 70[regelnummer] Dats ene lelie al ghewesse Die alle wereltlike weelt Achter werpt ende verdeelt Om die minne van onsen here Hier of wil ic niet spreken mere

Vorige Volgende