Commentaar op het Hooglied

CXXXIIIJ Drie pointen uan rechter minnen

GHeware minne heeft pointen drie
Nu hoirt dair na wie sien die
¶ Teerste dat is om lief te peinsen
Soetelike ende sonder veinsen
¶ Tander is altoes te duchten
Siin verlies dair om te suchten
¶ Terde is minnentlike begaren
Lief ghebruken sonder sparen
Dese drie siin hier beloken
Als ons die glose heeft ontploken
Des spreect die bruut: miin lief mi
Ende ic hem: ende thant dair bi
Seit si die wort gheuoet
Onder die lelie. merct dat ic moet

[fol. B24rb]

15

qui pascitur inter lilia donec

 

aspiret dies et inclinentur vmbre xlvi

 

Hier die ware glose soeken

 

Van sinte bernairde ende andre boeken